فيلم أنا الماعز الأليف : هو فلم كرتوني موجود على يوتيوب "youtube" مدته لا تتعدى ال 10 دقايق لو شفته اول مره هتفكر انه مجرد فيلم كرتوني للاطفال من الرسوم المتحركة بس لو ركزت فى تفاصيله هتكتشف انه اخطر مما تتخيل ويحمل اسرارا و رموز وتنبؤات مرعبه منها حصل ومنها احنا بنعيشه دلوقت دا غير الرموز الغامضه والمسيح الدجال وارتباطه مع الماسونيه .
قصة الفيلم :
فيلم الماعز الأليف : هو فيلم رسوم متحركة ثلاثى الأبعاد من انتاج كندي مدتة قصيره لا تتعدي 10 دقايق . ألفه وأخرجه وأعده وتحرير شخص واحد متخيل ؟
وهذا المخرج يدعي لويس ليفبفر " louis lefebvre " بدأ العمل فيه من عام 2006 وتم اطلاق الفيلم عام 2012 يعنى بعد 6 سنوات ،وبعد صدوره الكل كان مستغرب اذا كان دا الجزء التانى.
هو فين اصلا الجزء الاول وهل الجزء الثالث موجود؟ وما هو الغموض الموجود فيه بالظبط ؟؟ انتشر تفسيرين للسؤال دا .
تحليل للفيلم الكندي بعد مشاهدة و مراجعة التفسيرات المختلفه حوله .
التفسير الاول . بيبدأ الفيلم بمشهد للرئيس جورج بوش فى فصل جوه مدرسه ، ودا يعتبر احياء للحظة اللى استقبل فيها خبر الهجوم على برجين التجاره فى 2001 ، خلال زيارته لمدرسه فى فلوريدا.وساعتها كان بيسمع للتلاميذ وهما بيقرأوا قصة (the pet goat ).
او (الماعز الاليف ) وبما ان الفيلم بدأ بالمشهد دا ففكر ان يكون بنفس اسم القصة بس يحط رقم 2 عليه وتغيير كلمة (the) الى (iii) عشان يبقي (I pet goat)
و يظهر التفسير التانى . يا صديقي هو تفسير من ألف الفيلم نفسه واللى قال فى حديث تلفزيونى سنه 2012 .ان مفيش سبب معين للاسم دا ، وكل اللى فكر فيه هو ان الماعز بيمثلنا احنا الشعوب ،واننا محبوسين جوه صناديق وبيتحكموا فينا وبيلعبوا بينا دا مش كلامى دا كلام معد الفيلم .
ولأن الفيلم بدأ بمشهد الرئيس قرر اضافة رقم 2 على الاسم او عنوان العمل لانه مفيش جزء أول لفيلم الماعز الأليف والكلام المنتشر حول الموضوع دا كان فسره الكاتب بنفسه .
دلوقتى اكيد بتسال نفسك ايه سبب غموض الفيلم دا ؟ وايه ممكن يكون سبب الضجة الكبيره اللى عملها ؟؟؟ وايه اللى رجعه للاضواء تانى بعد السنين دى ؟
ايه سر الغموض الشيطاني و الماسوني في الفيلم ؟ وايه هى الحجات اللى توقعها وحصلت بالفعل ؟
ولأن الفيلم بدأ بمشهد الرئيس قرر اضافة رقم 2 على الاسم لانه مفيش جزء اول للفيلم .والكلام المنتشر حول الموضوع دا كان فسره الكاتب بنفسه دا كان سبب التسميه .
ما هي الرسائل والرموض المبطنه الموجوده فى الفيلم والتوقعات القادمه ولسه متتحققتش ؟
دلوقتى اكيد بتسال يا صديقى ايه سبب الغموض اللى حوالين الفيلم ؟ وايه سبب الضجة الكبيره اللى عملها ؟وايه اللى رجعه للاضواء تانى بعد السنين دى ؟
السبب الرئيسي : هو ان الفيلم تنبأ باحداث حصلت فعلا والعالم كله شافها ...
اولا : يصور الفيلم دمار مسجد بشكل كبير وبيتصاعد منه دخان اسود ودا اللى اعتبره البعض انه تنبأ بالهجوم المتوحش اللى حصل سنه 2019 على مسجد فى نيوزيلاندا وقتل فيه عشرات المسلمين ودا كان قدام الناس كلها فى بث مباشر على السوشيال ميديا . او اللى بيتعرض له العالم الاسلامى من هجوم فى الايام اللى بنعيشها دلوقت
ثانيأ : هنلاقى فى نهاية الفيلم تقريبا بنشوف دمارهيكل يشبه هيكل كنيسه معروفه ، التصوير دا خد اهتمام السوشيال ميديا . بعد الحريق الكبير اللى اتعرضتله كنيسه نوتردام اوف باريس فى سنه 2019وهى نفس الكنيسه اللى كانت مرسومه فى الفيلم.
ودا اللى رجع الفيلم للاضواء من تانى وبدأ الناس يدروسوا الفيلم اكتر ويتعمقوا فى رموزه وفى الاحداث اللى ممكن يكون اتكلم عنها
واكتر حاجه مثيرة فعلا للاهتمام :هو تنبأ الفيلم بأنتشار الفيروسات القاتله للبشر على حد تفسير بعض اللى اتعمقوا فى رموز الفيلم ونشروا التحليلات دى على السوشيال ميديا ، ودا بنشوفه فى مشهد فيه طفل ميت فى حضن امرأة وعلى راسه خنفساء وعلى عين الطفل اثار لماده صفراء موجوده برضو على الخنفساء.
فسرها بعض المحللين على انه فيروس قاتل هينتقل عن طريق الحيوانات . ياترى اتنبأ الفيلم بفيروس كورونا ؟
بس المعروف ان كورونا ليس قاتلا عند الاطفال ولا هو بيمهد لانتشار فيروس فتاك للأطفال ؟ ودلوقتى هنتكلم عن الرموز المبطنه اللى ماليه الفيلم وحقيقي مشاهدة الفيلم مرة واحده مش كفايه لان فى كل مرة هتكتشف حاجه جديده .
الرموض المبطنه الموجوده فى الفيلم
بتدور غالبيه الرموز حوالين فكرة المؤامرة الكبرى والماسونيه واللى هنتكلم عنها بالتفصيل فى secret-707 .
ابرز الرموز دى موجوده فى مشاهد متعدده في الفيلم هو الارضيه اللى بتشبه لعبه الشطرنج وصورة البومه اللى بتراقب ، والنجمه الخماسيه ، كمان طريقة السلام اللى بينهى بيها الرئيس جورج بوش كلامه قبل التحول الى باراك اوباما .
ودا طبعا من غير ما ننسي العين المرسومه على جبين اللى شبهه بعض المحللين بالمسيح الدجال فى الفيلم .
الرموز دى موجوده كتير فى الفيلم ودا اللى بيعتبره اللى على درايه بيها ، ان الرموز دى مش موجوده في الفيلم بس ، لا دا فى احيان كتير فى الواقع بس انت متاخدش بالك منها ، ودا بيعكس سيطرت الماسونيه الخفيه او المتنورين على كل حاجه .
والبعض رجح كفة المتنورين على كفة الماسونيه لان الماسونيه بحر غامض اكتر مما تتصور ودهاليزه لاتعد ، ولا يمكن فكها بالسهوله دى .
استندوا على رمز جه فى بداية الفيلم على اعلى الوح رسم لنظرية تطور البشر ، المعروفه بنظرية داروين وفى نهاية الرسم فى صورة لانسان على راسه هاله من نور ، ودا يعنى ان الحاله الاسمى للانسان هى حاله المتنورين .
اما الرمز التانى فهو العين الموجوده على راس الشخصيه اللى شبهها المتعمقين بالمسيح الدجال ،العين دى هى رمز المتنورين وانهم فى كل مكان وبيتحكموا فى كل حاجه .
فى حاجه تانى مثيره فى الفيلم ، وهى ان فى قوة شريره بتتحكم فى العالم ، ودا اللى صوره الكاتب باليد السوداء اللى بيكسيها جلد شبيه بجلد الزواحف .
ودا اللى بيفسره الكاتب على موقعه الالكترونى heliofant.com ان اليد دى يد ساحر شرير بيتحكم فى العالم وهمه الوحيد تدمير العالم وجمع الفلووس مهما كلف .
وزى ماشوفنا فى اول الفيلم ان الساحر دا بيتحكم فى قادة العالم منهم طبعا امريكا اللى ركز عليها الفيلم بشكل اساسي واللى اعتبر ان نهايتها اقتربت ، والدليل هو حادثة برجى التجارة،وسقوط الشعله من تمثال الحريه ، وتمزق العلم.
فى بعض المحللين اعتبر الفيلم تنبأ بانتخاب دونالد ترامب عشان الكتابه الموجوده على الحائطه خارج المدرسه هى كتابه غير واضحه لاسم دونالد ترامب الرئيس الامريكى السابق ، بس فى كتير ماتفقوش على التفسير دا وقالوا ان دا نص دينى .
وحرف D الموجود على الكاب اللى لابسه بوش لا يشير الى دونالد ترامب ولكن الى كلمه انجليزيه تعنى الغبي الذى يعانى من صعوبه فى التعلم ، فى اشارة واضحة الى ان الروؤساء ليسوا احرار.
وبعد ما اتكلمنا عن حجات حصلت فعلا ، ايه المعلومات اللى موجوده فيه ؟ وايه هو مصير البشر ؟
يصور الفيلم امرأة لابسه اسود فى حضنها طفل ميت تتحسر على وضعها وظروفها ، ودا على حسب بعض التفسيرات ان الدول والعالم العربى ممكن يشوفوا حرب نوويه مدمره ممكن تكون الحرب العالميه التالته.
واللى بيدللوا بيه الكلام دا هو وجود سحابه على شكل فطر واللى بتشبه الى حد كبير السحابه اللى بتنتج عن تفجير قنبله نوويه .
كمان بنلاقي عامل بيغرق فى ماده خضرا كدا فى ناس فسرتها ان روسيا هتغرق فى حرب كيميائيه مدمره وفسرها ناس تانى على انها نهاية الشيوعيه اللى بيصورها غرق المطرقه والمنجل .
فى مشهد تانى بتظهر فيه بنت شايله علم ابيض كعلامة سلام ودى بتمثل الدول الاسيويه زى الصين،اليابان، كوريا واللى بيشير اللى انهاء الدول دى هو النمر المصور على ضهر البنت دى اللى بتحاول مواجهه اسطول من الدبابات وطبعا محاولاتها منجحتش ، يعتبر البعض ان الدول الاسيويه المتطوره هتقابل حرب لا مفر منها . ودا مش كل حاجه .
الفيلم اتنبأ بمصير افريقيا كمان والمفسرون انقسموا حولين المصير دا ،فيهم اللى بيعتبر ان افريقيا هتتعرض لهجوم عنيف بالطائرات المسيرة ودا اللى بنشوفوه فى مشهد الطفل الاسمر واللى بيبان كأنه اله ، ولكن فى بعض المفسرين قال ان المشهد يعتبر انتهاء ظاهرة الاتجار بالبشر والاسلحة واللى بتعانى منهم افريقيا او زيادة الظاهرتين .
ولو رجعنا للى بيقوله صاحب الفيلم على كل اللى فيه نلاقيه بيقول ان تفسير الاحداث دى انها سياق طبيعي للى هيحصل ودا بسبب للى بنشوفه النهارده من تطوير لاسلحه كيميائيه وبيلوجيه، وسيطرت مؤسسات المال والاعلام على العالم ، وكتير من مظاهر الظلم والفساد اللى بيحاول الفيلم دا ازاحة الستار عنها .
هل المسيح الدجال شخصيه هزليه فيه ؟ وهل هذا الفيلم من تأليف شخص ماسوني ؟
النقطه الابرز فى الفيلم : شخصية المسيح الدجال .
فى تباين فى الافكار حوالين الشخصيه دى ، اكتر التفسيرات المنتشره اعتبر ان الشخصيه دى هى المسيح الدجال واللى هيضرب الارض ويجعل فيها الدمار ويهلك الارواح ودليل على التفسير رموز فى الفيلم، السمك اللى بيطلع من الميه الى قارب الدجال على حد تعبيرهم ان اى حد يتبع الشخصيه دى هيهلك زى السمك اللى طلع من الميه.
ولكن لو رجعنا للمقابله اللى عملها صانع الفيلم بيقول انه فى الحقيقه الشخصيه بيرمز من خلالها الى القيامه الجديده والعصر الجديد وهى فى الواقع شخصيه فرعونيه ، الفرعون رع اله الشمس عند الفراعنه اللى بيخوض كل ليله كفاح قوى ضد قوى الفوضى والشر .
لما بتختفي الشمس كل يوم بيركب الاله رع مركب مقدس وبيعدى نهر تحت الارض وفى رحلته دى بيقاوم فيها الفوضي والفساد ومعاه الاله ست بيساعده فى الرحله بيقف فى مقدمة المركب ويهدد افعى افوبيس برمحه عشان متقربش .
وبعد كل ليله فى العالم السفلى يعود رع الى الظهور من جديد ويلقي اشعته التى تمنح البشر الحياه ودا تفسير الكاتب عن الشخصيه انها مستوحاه من الحضارة الفرعونيه وانه بعد كدا قرر وضع وجه المسيح عليها ، وكمان قال على من يشاهد الفيلم ان ينتبه الى نقطه وهى ان خروج المسيح من تحت الارض مش هو اللى هيدمرها واضاف ان مكا يسمى بالاله الاعظم على حد تعبيره واللذي صوره بالشمس هو من سيدمر العالم .
بنشوف ان الشمس بتلقي بنارها فبتدمر الأهرامات كعلامه على تدمير كل ما سبق ، وخلق عالم جديد، ويضيف انه خلف المسيح نجد زهرة اللوتس وهى رمز الحياه وبكدا نكون جمعنالكنم كل اللى قاله الكاتب عن الفيلم وكمان التفسيرات اللى انتشرت حول الرموز الموجوده فى الفيلم .
ولازم اكدلك فى الاخر ان بنقلك معرفه مش بحلل معلومات ولا خبير ، والاكيد ان الغيب بيد الله سبحانه وتعالى وان التنبؤات دى مجرد صدف او حاجه متخططلها بتخطيط دقيق جدأ قبل حدوثها .