لغز جون بنيت رامسي

من هي جون بنيت رامسي ؟

جون بنيه او جون بنيت رامسي ودى بنت عندها 6 سنين وكانت بنت عارضه أزياء ، ودا لان أمها باتسى رامزى كانت عارضه أزياء واستعراضيه ، ولكن جون بنييه حققت نجاحات كبيره وكان متوقع انها تكون حاجه كبيره في المستقبل .

 بس القدر كان له رأى تانى وكان عندها اخ اسمه بريك !!! 

عارف انت الواحد اللي اهله يحبسوه فتره او اهله مقيدين لا بينزل ولا بخرج ولا له أصحاب وأهله عملوه عقده نفسيه ،اهو بريك زي كدا بالضبط دا .

بالنسبة للاب هو مهندس برمجيات ورجل اعمال وغنى جدا وباختصار العيلة نفسها غنيه وثريه جدا، ويمكن هو دا سبب غموض القضيه وانها لحد النها رده لم يتم حلها .

بداية قضية جون بنيت رامسي

بدأ اللغز فى يوم 25/12/1996 وكان احتفالات الكريسماس والعائلة كلها كانت معزومه عشان يحتفلوا بالكريسماس في منزل أصدقاء العيلة ، قضوا لحظات سعيدة ورجعوا على البيت وكانت جون نائمه في العربية .

الاب اخدها من العربية ودخلها اوضتها وناموا ،والبيت كله دخل ينام والساعة 5:55 دقيقه الصبح صحيت باتسى رمزي واللي هي الام عشان تجهز شنطة السفر لانهم كان عندهم رحله . 

وهى نازله على السلالم في البيت ، لقيت 3 ورقات عشان تكونوا فاهمين هو البيت اصلا عباره عن 3 طوابق المهم لقيت 3 ورقات وأول ما شافتهم عرفت ان بنتها اختطفت.

وخليك مركز عشان دا فى حد ذاته لغز مهم 3 ورقات من الخاطف ليه ؟

نكمل بعدين نرجع لموضوع الورق عشان دماغك متلف ،الام شافت ال3 ورقات وطبيعي نزلت تدور على البنت وصرخت بصوت عالي والأب صحى وكلمت الشرطة على طول ،وبعدها كلمت الأصدقاء والناس اللي حواليها ،وكله اتجمع بس الشرطة لم تصل على طول تأخرت شويه حوالى نص ساعه!!

وفى نفس الوقت الأخ فين هو ما نزل ليه ؟ وصل اثنين من عناصر الشرطة واحد فضل موجود والتاني مشي على طول ،وليه واحد مشي وواحد موجود دا لان في ال3 ورقات اللي الام لقيتهم مكتوب فيهم من الساعة 8 لحد الساعة 10 الصبح خليك يا جون موجود بجانب التليفون عشان نتواصل معاك وتكون مجهز مبلغ 118 الف دولار ولا تتصل بالشرطه .

وعشان كدا كان في محققه فضلت موجوده في المكان ، ولحد الساعة 1 الضهر محدش اتصل راحت المحققة طلبت من جون انه يروح يفتش في البيت كويس هو وواحد صديق للعيلة كان معاه ،جون هنا في مصادر بتقول انه دخل على طول البدروم اللي في البيت.

لقي البنت ملفوفه في بطانيه شال البطانية من عليها واكتشف المفاجأة ،البنت مربوطة بحبل في ايدها وفى لزق محطوط على بقها وفى حبل مربوط على رقبتها وبسرعه شال اللزق من على بقها عشان يشوفها تتنفس ولا لاء وجابها بنفسه من البدروم لحد الدور الأرضي اللي كإنو متجمعين فيه وللأسف كانت مقتولة بطريقه بشعه جدا وكان في اثار خنق في رقبتها وركز في التفاصيل عشان في التحقيقات تلاقي حاجات غريبه .

ملاحظه : هو في أي جريمة زي كدا الشرطة بتحط علامات في مسرح الجريمة عشان بيكون في ادله كتير وتفاصيل مهمه بس باللي الاب عمله دا تقريبا بوظة مسرح الجريمة او مكان الاكتشاف.

 وبعدها المحققة اتصلت بالقسم الخاص بيها وقالت تعالوا القضية اختلفت من اختطاف لجريمه قتل واعتداء .

مسرح الجريمة والأدلة الجنائية

• الأدلة اللي كانت موجوده في مكان الجريمة كان في خيوط على بوق البنت والحبل اللي كانت مربوطة بيه جون بنيت رامسي وكمان مربوط خشبه في الحبل ده ودى عباره عن فرشة تلوين بس مكسورة .
• وفى اثار كماشه على ايد البنت او حاجه زيها ليها طرفين واثار الطرفين دول في الايد بآينين وكان ملاحظ كمان ان ف اثار تحرش سطحي . وكان في اثار حمض DNA على ملابسها الداخلية وتقريبا دي مش اول مره ملاحظه ان البنت كانت بتعاني من حاله تبول لا إرادي .ونرجع لموضوع دا تانى بعدين في التحقيق .
• والبيت مكنش في أي حاجه غريبه بخلاف المطبخ ،كان في كباية لبن وطبق صغير في اناناس ودى الأكلة المفضلة لجون بنييه ، وكمان في كباية شاي مشروبه .

  مشهد تمثيلى اكتشاف جون بنيت

  مشهد تمثيلي

  
  

  مشهد تمثيلي

  
  

  مشهد تمثيلى ليد جون بنيت

  مشهد تمثيلي بصمات جون وبورك

  
  
• 
  

التحقيق في قضية JonBenét Patricia Ramsey : 

أولا: نبدأ كلامنا بالكلام اللي قالته المحققة اللي كانت موجوده لان كلامها يفسر حجات كتير 

المحققة دي عملت حاجه مهمه جدا وهى ان عينها كانت زي كاميرات المراقبة وبتسجل تفاصيل كل حاجه موجوده حواليها وبتحلل تصرفات وسلوك كل شخص .

اول حاجه مفيش أي اتصال حصل من الساعة 8 لحد الساعة 10 والغريب ان قبل الاب ما يروح هو وصاحبه على البدروم الاب كان بكلم الطيار الخاص بيه ويقله على رحله ؟

انت ملاحظ اللي انا بقوله هو الاب في خطف بنته ولا في الرحلة اللي هيروحها  المهم نكمل كلام .

المحققة  بتقول ان الغريب اكتر ان هي لما اتصلت بالقسم الخاص بيها مجوش على طول ،لاء وكمان هي اتصلت مرتين وحاسة ان في حاجه غريبه في الموضوع ليه الشرطة تتعامل ببرود وتأخير والأب كمان يتعامل بطريقه غريبه .

انت متخيل ان المحققة هي اللي بتقول كدا ، وبعدها على الساعة 1 لما حست ان مفيش حد سيتصل او حاجه تتغير  قالت للاب روح فتش في البيت وكان في صديق للعيلة معاه ، ونبهت عليه انه لو لاحظ أي حاجه يجي يبلغها فورا والأب راح فعلا هو وصديقه ،بس الاب عمل حاجه غريبه وهو انه دخل على البدروم على طول يعنى مدروش في أي مكان ف البيت  والمحققة هنا استغربت من موقف الاب ليه دخل على البدروم على طول ؟

وملاحظه  دي محققه يعنى شغلها تركز في كل التفاصيل ، ودى جريمة .

طلع بنته وخدها زي ما قولنا المحققة علقت ع الموقف دا وقالت :

 في اللحظة دي كانت مشاعرها كلها داخله في بعض خوف على توتر على تركيز يعنى مخها على شويه وكان ينفجر ومش عارفه تقول للناس ابعدوا لان دا مسرح جريمة ولا تحاول تخفف توتر الناس ولا أي حاجه .

المهم لما طلبت من الاب يحط  بنته على الأرض هي قربت عليها عشان تتأكد هي عايشه ولا لاء ولاحظت ان الاب قرب معاها وشافت في عننيه نظره غريبه وسألها هي ميته قاتله اه .

وهى قائمه من على الأرض طلعت المسدس من جيبها عشان بس تطمن هل موجود ال 8 طلقات فيه ولا لا لأنها حاسة بحاجه غريبه في الموضوع الشرطة بتلبكك وتتعامل مع الجريمة ببرود والأب تصرفاته بتثير الشك انه هو عمل كدا ،وكانت بتقول ان احساسها بيقول ان هي مش تطلع من البيت عايشه وهنا المحققة سالت نفسها كام سؤال .

• ليه جون بنيت في البدروم ؟
•  ولو اللي خطفها حد غريب عشان يطلب فديه ليه يكتب ثلاث ورقات ما يكتب ورقه وحده ليه 3 ؟
• وليه محترم اوى كدا وهو بيكتب الرسالة وبادئ بعزيزي رامسي هو في خاطف ببقي محترم ومؤدب كدا ؟

والغريب ان الشرطة لما جات تانى ما طلعت الناس اللي كانت موجوده وقالت دا مسرح جريمة ،لا والغريب اكتر ان الشرطة حتى ما حطت الشريط الأصفر اللي بيتحط في أي جريمة ، لا وكمان مخدش ال3 ورقات اللي لقيهم معهم ، في اول مره جات فيها .

ملاحظه المحققة اختلفت المصادر على اسمها بس الأكيد انها  بعد الحوار التلفزيوني دا اختفت.

وبعد ما الشرطة جات وشالوا الجثة حطوا الشريط برغم انه المفروض اول حاجه تتحط هي الشريط ويبعدوا الناس، وبعدها المحققة  راحت لقسم الطب الجنائي لأنها محققه وعندها فضول تعرف ايه اللي حصل ودكتور التشريح قالها ان في كسر في الجمجمة بتاعته جون بنيت ،وهنا المحققة استغربت وقالت كسر في الجمجمة ؟

امال ايه اثار الخنق والحبال اللي كانت عليها ، بس كمان هي ما ماتت من الكسر ولا النزيف الداخلي اللي سببه الكسر داء هي ماتت مخنوقة ، متخيل موقف المحققة .

تفسير ألادلة الجنائية 

نفسر الأدلة حاجه حاجه ونبدئ بالأثار اللي على ايد البنت المحققين علقوا على الاثار اللي في ايدها وقالوا اثار كهربا .بس الطب الجنائي قال ان الكهرباء مش بتسيب علامتين بالشكل دا بالعكس بتكون متوزعه في المكان كله والاثار اللي بتسيبها زي اثار الحروق .

تانى حاجه وهى اثار التحرش اثناء التحقيق اكتشفوا وكان ملاحظ انه في اثار تحرش بس تحرش سطحي ،وكان في اثار dna على ملابسها الداخلية  بس الشخص صاحب الحمض  دا مش متطابق مع أي شخص .

ثالث حاجه واهم حاجه وهى الخيوط اللي كانت على بوق البنت والحبل اللي كانت مربوطة بيه  وكمان الخشبة اللي في الحبل ده  

الخشبة دي أصلا فرشة تلوين اكتشفوا انها من أدوات التلوين بتاعته الام ، وكمان الخيوط اللي على بوقها من نفس الهدوم اللي كانت لابساها الام في ليلة وقوع الجريمة . 

وبالنسبة للبيت الحاجه الوحيدة اللي نعلق عليها  البصمات اللي كانت على الحاجه اللي في المطبخ بس نوقف هنا لان البصمات دي مش دليل على حاجه ، لان دول ناس موجودين في البيت ودا طبيعي يعنى يكون في بصمات زي كدا .

بس اللي مش طبيعي ان الطب الجنائي اثبت ان معدة البنت هضمت بواقي الاناناس ؟ طب أزاي وامتى ،الاناناس دا المفروض أتأكل بالليل لان وقت الهضم بتاع الاكل بياخد تقريبا 3 او اربع ساعات عشان يتهضم وهما وصلوا البيت الساعة 9 تقريبا  وجون كانت نائمه في العربية على حسب كلام الاب ودخلها ابوها السرير ونامت وهو كمان دخل غرفته ونام والبيت كله نام تقريبا كدا ناموا الساعة 10 هي اكلت امتى ؟

وليه بصماتها مش موجوده في المكان ؟؟ طب تعالى كدا لحظه ارجع معاياة يا صديقي لموضوع ال3 ورقات مين اللي يخطف حد ويقعد يكتب 3 ورقات ، هي معروفه انا خطفت بتكلم على طول وأقول عايز مبلغ كذا وخلاص ، 

مين فاضي يقعد ويكتب ثلاث ورقات ، هو أزاي أصلا دخل البيت وحط ال3 ورقات دول ؟

ثالثا دي عيله غنيه ليه يطلب مبلغ صغير وليه 118 الف دولار بالتحديد ؟! يمكن عشان دا نفس المبلغ اللي ابوها خدوا بونص في نفس الشهر واللي هو اخر السنه ؟ فاهم حاجه 

ابوها اخد بونص اخر السنه من الشغل وكان البونص نفس الرقم 118 الف دولار !! مين يعرف معلومة زي دي غير حد قريب؟

 المحققين حاولوا يفهموا موضوع الورق اكتر بس مكنش في أي حاجه ملفته او غريبه غير اخر ورقه مكتوب فيها فيكتوري ، والحروف دي ومحدش عرف يفسر الموضوع .

عملوا اختبار خط لجون حروف بسيطة جدا كانت متشابهة مع الاب اللي هو المشتبه به رقم 1 ولكن لما عملوا الاختبار عند الام واللي هي مشتبه به رقم 2 اكتشفوا انها مطابقه بنسبه 95 % من خطها ومتنساش ان وحتى الخيوط اللي كانت في بق البنت كانت من هدوم الام اللي لابساها في اليوم دا.

 وكمان الخشبة اللي كانت مربوطة بيها البنت كمان من أدوات باتسى ، بس كمان ممكن يكون اللي قتلها دخل لقي الأدوات دي فخدها وعمل بيها كدا .

المفروض بعد أي حادثه الاهل يقعدوا مع الشرطة وبتساؤلهم وبتعرف منهم كل المعلومات والكلام اللي قولناه في الأول ، بس باتسى وجون مقعدو مع الشرطة رفضوا أصلا يقعدوا !!

ممكن تقول بسبب التوتر والقلق اللي هما فيه ، بس انتوا ناس عايزين حق بنتكم ، المفروض تقولوا للشرطة كل حاجه مش ترفضوا لمده 4 ايام ولما توافقوا تشرطوا ان لما المحققين يسالوهم يكونوا موجودين في نفس الأوضة جون و باتسي مع بعض طب ليه كدا ؟

هو انتوا عارفين حاجه وخائفين تتعرف او كلامكم يبقي مش زي بعض ولا انتوا تداروا على حاجه ؟ والحركة دي زودت الشك فيهم اكتر:

 النظريات والتفسيرات في لغز جون بنيت رامسي!

 في ناس قالت الاب اللي عمل كدا بس الاب كان متجوز قبل كدا وكان عنده بنت وماتت في حادث هل ممكن يكرر نفس الألم لنفسه مره تانى ويقتل بنته دي كمان ، وايه الدافع أصلا انه يقتلها ؟ بس هو ممكن يكون عارف وساعد فى اخفاء تفاصيل عشان يساعد حد تانى مثلا ؟

 الام ودى كانت عندها كانسر وخفت منه يعنى جربت الألم والمعاناة ليه تقتل وايه الدافع بردوا دي عيله غنيه ليه يفكروا في قتل بنتهم المشهورة في وقتها ؟

 الشرطه وال FBI  كلموا الناس اللي هو الطاقم اللي يشتغل معاهم واللي هما المحامين ماسكين القضية عشان يأخذوا معلومات منهم !! انت متخيل الشرطة بتتوسط عشان توصل لمعلومة منهم .

وبعد الحادث بأسبوع وافق الاب والام على التحقيق ولكن مش مع الشرطة مع وكاله السي ان ان الإخبارية وهنا الناس كلها وبما

 فيهم  الشرطة شكت فيهم اكتر انهم اللي عملوا كدا في البنت عشان انتوا لو فعلا عايزين حق بنتكم ما تطلعوا في التلفزيون تقولا ساعدونا اكيد طبعا تروحوا على الشرطة على طول .

ولما يسألوهم انتوا ليه مش عايزين تقدموا معلومات للشرطة يقولوا احنا مش عارفين الأسئلة اللي هتسئلهالنا الشرطة و معند ناش معلومة نقدمها ؟ 

 تفتكر دا برود ولا في حاجه تانى غامضه في الموضوع ولما طلعوا في التلفزيون في ناس بقيت تحلل لغة الجسد بتاعتهم ، وقالوا ان الاب بارد والام عايز تبكى ومش عارفه تبكى او بمعنى أوضح مش عارفه تمثل والمذيعة سالتهم سؤال مهم ؟ وهو هل بعد ما شفتوا بنتكم ماتت كنتوا فعلا شاكين انها ان مخطوفه واقتتلت ؟

وفى الرد على السؤال ده الأم بعمل براسها لاء ، بس الاب قال ايوه إجابة الام غير اجابه الاب!

وبعد 3 شهور وافقوا يعملوا مقابله مع الشرطة ومع المحققين ووافقوا ان كل واحد يبقي لوحده في المقابلة ودا كله بعد اختبار الكتابة ملاحظه هو دا 100% خط الام وباين انه قعد يفكر ويكتب وواضح انه غبى لان حتى الرقم اللي كتبه للفدية هوه نفس رقم البونص بتاع الاب ، والورق أصلا من دفتر كان موجود في المطبخ ، نفترض ان القاتل دخل المطبخ وعمل كوباي شاي وفكر يكتب ايه وكتب 3 ورقات وبعدها مشي .

الطبيعي ان اللي خاطف دا مجهز كل حاجه مش لسه يقعد يشرب شاي ويفكر ويكتب 3 ورقات 3 ليه 3 طيب ؟!هو مش خائف حد يشوفه طيب ؟

او حتى حد يصحى من الصوت اللي بيعمله في المطبخ؟

وطبعا هي انكرت كل دا وفى وسط التحقيق المحقق بيسال باتسي لو قلتلك ان في ادله تثبت ان انتى اللي ارتكبت الجريمة تقولي ايه ؟ طبعا تعصبت وقالت مستحيل اعمل كدا وايه مصلحتي انى اعمل كدا ، والأب كان هادى في التحقيق هو كل الشك كان في الام بس مفيش ولا أي دليل ناحية الاب .

القضية دي اتقفلت وافتتحت اكتر من مرتين ، اغرب قضيه واغرب قصه في الحياه لان البنت موجوده في البيت 

ومن كتر غموضها المحققين والشرطة عملوا سيناريوين في الجريمة دي !

وقبل ما نقولهم نحكى شويه عن بريك المختفي عن وسائل الاعلام  هما شاكيين فيه لأنه قبل الجريمة بسنه ضرب اخته وهو اكبر من منها ولما أمها خلفتها اهتمت بيها اكتر وزياده عن اللزوم لأنها كانت عايزاها تطلع زيها .

وتقريبا الولد جاله حاله نفسيه بسبب كدا حتى لما استجوبوه في المحكمة بعد القضية شكوا انه عند توحد وبتعامل ببرود ولما استجوبوه في 2011 بردوا كان بتعامل بتصرفات غريبه ومش مفهومه كدا .

اول سيناريو من المحققين والشرطة .

 رجع الام والأب البيت وفعلا حط البنت في السرير ونامت ، وفعلا الاب كان مع بريك يفكوا الهداية لأنه كان كريسماس ،وفى الفترة دي كانت البنت عندها تبول لا اردى زي ما قولنا وفى السن دا مش طبيعي ان البنت تبلل فراشها وهى نائمه ، بس دا معناه ان البنت بتعاني من حاجه في الفترة دي ، يعنى اضطراب في نفسيتها ورد فعل الحاجه كانت بتحصل معاها واللي هي التحرش اللي قولناه او ممكن تكون حاجه تانى .

 المهم ان ممكن تكون باتسي صحتها في نص الليل تتأكد ان هي عملتها على نفسها ولا لاء او دخلت الحمام ولا لاء فشافت البنت عملتها على نفسها فضربتها على راسها بالغلط وماتت بس السيناريو دا مش واقعى لأنه أصلا الطب الجنائي اثبت ان هي ماتت مخنوقة . ويبقى واقعى لو في اثبات ان حد تلاعب بالتقرير الجنائي .

والسيناريو التانى

ان باتسي ودتها الحمام وبعدها البنت مدخلتش تنام نزلت تحت لأنها شافتهم كلهم صاحين باتسي اديت لبريك اللبن والاناناس والبنت اخدت حته انناس من الطبق قام بريك زعقها وجريت قام يجرى وراها يعنى مشاكل الأطفال العادية ، وكان في كشاف كبير محطوط فوق الطاولة اخد وراح ضاربها فوق راسها الضربة اللي عملت كسر في الجمجمة ، البنت وقعت على الأرض وراحت فيها وطبعا اهله مش عايزين بريك كمان يضيع منهم زيها راحوا عملوا كل القصة دي واللي هي اختطاف البنت.

وطلب الفدية وكمان عملوا اختبار بكشاف شبه الكشاف الحقيقي وعملوا الاختبار ده مع شخص في سن بريك وشخص في سن البنت ولقيو ان الضربة اللي من الشخص الكبير تعمل كسر كبير بس الضربة من شاب بنفس سن بريك تعمل كسر شبه الكسر اللي في الجمجمة يعنى اهله هما اللي عملوا القصة دي كلها عشان بريك ما يضع منهم . 

وبس كدا لكن الحقيقة فين محدش عارف والقضية حتى الان متحلتش .

المصادر :

ويكيبيديا

متحف الجريمة 

بعد 25 عامًا: يستمر تحقيق بولدر في مقتل جون بينت رامسي