قصة أول قاتل متسلسل فى تاريخ البشريه , هناك خطر بدأ ينتشر فى منطقه تيكساركان في الولايات المتحده . واستمر لمده 3 أشهر . وهو عباره عن قاتل متسلسل ومن كُثرة الجرائم وغموضها أطلق عليه لقب القاتل الشبح او فانتوم كيلر . ودائمأ كان بيختار نوع معين من الناس عشان يكونو ضحاياه . عشان يسد رغباته فى القتل والفئه دى هما الناس المتزجين وشرط انهم يكونو شباب ومحدش عرف ليه وايه السبب . وتم تسمية القاتل الغامض لانه دايما فى أى جريمة قتل لا يترك أي دليل او حتى معلومه عنه .
 |
| اول قاتل متسلسل فى التاريخ |
جرأئم اول قاتل متسلسل " The phantom killer "
وفى يوم الجمعه 22 من فبراير سنة 1946، كان جيمى هوليس وده عنده 25 سنه ومارى جين ودي 19 سنه فى ، اتقابلو علي طريق بيسموه ممر العشاق ودا مكان مخصص للناس اللى بتحب بعض عشان هادئ وكله ورد وزرع .
وكان الوقت تقريبا فى حدود الساعه 11.45 قاعدين فى العربيه بتاعتهم وكانو بيحكو مع بعضا ومندمجين وفجأه ظهر شخص غريب ماسك كشاف شديد بيعمى اى حد بيبص عليه .
هما مكنوش شايفين الشخص اللى ماسك الكشاف ، ودا فى حد ذاته ارعبهم ، بس لما ركزوا اكتشفوا ان الشخص دا حاطط قناع على وشه من القماش الابيض وفى فتحات صغيره لعنيه وبقه .
جيمى كان مفكر ان دا حد من صحابه بيهزر معاه، بس اكتشف الحقيقه لما شاف الشخص دا مطلع مسدس وموجهه ناحيتهم ، وفتح العربيه وقالهم انزلوا ، ووجه المسدس على جيمى تحديدا وقاله انزل مش عايز اقتلك ، واعمل كل اللى هقلك عليه .
وبرغم الرعب والتردد اللى كان باين على جيمى ومارى بس عملوا اللى قالهم عليه ، ونزلوا من العربيه ، وبعد ما نزلوا الشخص دا قال لجيمى اقلع البنطلون وجيمى عشان خايف طبعا قلع على طول .
وبعدها الشخص دا ضرب جيمى على دماغه بضهر المسدس لدرجة ان مارى فكرت ان جيمى اضرب بالرصاص من شدة صوت الضربة اللى جات على دماغه .كسر دماغ جيمى .
وبدأت مارى تتوسل للشخص دا انه يسيبها تمشي ، ومسكت بنطلون جيمى وطلعت منه المحفظه وقالتله مش معانا فلوس .
راح ضربها وقالها انتى كدابه ، معاكى شنطه فى العربيه ، قالتله مش معايا راح ضربها تانى ووقعت على الارض ، وبعدها ضربها بالكشاف اللى كان معاه ، وهى مرميه على الارض وبتتالم قالها اجرى .
طلعت تجرى على طول والطريق دا اصلا عباره عن طريق سريع بس الجنبين فيهم زرع وشجر هى جريت بين الشجر راح نده عليهت وقالهال اجرى على الطريق ، يعنى كان واضح انه عايز يخليها تجرى فى حته معينه .
وهى طبعا من الخوف سمعت كلامه ، وجريت على عربيه كانت واقفه فى الطريق ، على امل انها تلاقي حد يساعدها ، بس للاسف مكنش فى حد فى العربيه ، وبدأت تجرى تانى لقيت الشخص دا فى وشها "وبيقولها انتى بتجرى منى ليه "؟
قالتله انت اللى قلتلى اجرى، راح ضربها وقالها انتى كدابه ولسه هيبدأ يعتدى عليها كان جيمى صديقها بدء يفوق. وهو بيحاول يقوم من على الارض من تاثير الخبطه والضرب، اكتشف ان مارى مش موجوده وبردو الشخص اللى ضربه مش موجود .
وهو بيقوم كان فى عربيه معديه وضاربه الكشاف العالى وده اللى خلى جيمي يقوم فراح جيمى موقف العربيه والراجل نزل عشان يساعده .
والكلام دا كان بدء يعتدى على مارى ولما شاف الراجل نزل من العربيه عشان يساعده اختفي بسرعه .استغلت مارى الفرصه وهربت لبيت قريب من الطريق ، وفى اللحظه دى دخلت مارى منطقه سكنيه وقعدت تخبط على اى باب لحد ما فى واحد وافق يساعدها ، واتصل بالشرطه وبعد نص ساعه وصلت الشرطه مكان الحادث .
وبمجرد وصول الشرطه سمعوا ملخص اللى حصل وجريوا يدورا على المجرم المقنع ، وكأنه فى بينهم وبينه تار شخصي وماكانوش عارفينن ان المجرم دا لسه هيبدأ فى غموضه وقصصه . ودى كانت قصه مارى وجيمى الزوجين الوحيدين اللى شافوه وعاشوا .
ولما الشرطه بأت تدور فى مكان الحادث على اى دليل ملقوش بس بنطلون جيمى ومحفظته وكل حاجه كانت معاهم لقيوها موجوده وسليمه باختلاف طبعا حالة ماري وجيمى .
الجريمه الثانيه للقاتل الشبح
وبعدها يوم 24/3 كان فى واحد ماشي على نفس الطريق بعربيته الصبح الساعه 8.30 تقريبا وهو ماشي بالعربيه لقي عربيه واقفه على جمب الطريق .
بس كانت واقفه بطريقه غريبه يعنى وشها ناحيه منزل مليان حجارة وتكسر وكأنها وقفت الوقفه دى عشان تتفادى حادثه . نزل من عربيته عشان يشوفها لقي ان فيها اتنين كان مفكرهم نايمين بس لما قرب منهم وشاف ان .
شاب كان نايم بين المقاعد الاماميه وجيوبه طالعه من البنطلون وفى الكنبه اللى ورا كان فى بنت وشها نازل لتحت على الدواسه، اكتشف انهم مقتولين مش نايمين .
راح مبلغ الشرطه على طول ولما الشرطه جات و بدئت تحقيقتها عرفو ان دول شاب اسمه ريتشارد 29 سنه وبولى عندها 17 سنه واكتشفوا كمان انهم مضروبين بالرصاص فى مكان تانى ، بس فى حد حطهم فى العر بيه وسابهم بالشكل دا .
بعدها الشرطه بدأت فى استجواب الناس ، بس المدينه معظم اللى فيها موظفين ومزارعين وكان فى حانه قريبه من الطريق ده . الشرطه معرفتش توصل لأى لحاجه غير انهم كانوا فى الحانه دى .
ولما الشرطه معرفتش توصل لتفسير واضح او سبب معين للجريمة دى رصدت مبلغ 500 دولار لاى واحد يفيد بمعلومه اوخيط ، بس كل دا مجبش نتيجه وحسوا انهم بيعطلوا نفسهم على الفاضي لان كل المعلومات كانت زائفه وفى اكتر من واحد قدم معلومات بس كلها غلط وملهاش علاقه بالجريمه .
وبعدها الشرطه شكت فى 3 اشخاص عشان هدومهم كان عليها دم ، اتنين منهم قدموا تفسيرات واضحه للدم دا وطلعوا فى نفس اليوم ، والتالت فضل معاهم يوم كمان بس بردو طلع لانه بردو قدم دليل على وجود الدم على هدومه وطلع تانى يوم .
وبعد الجريمتين دول بقيت المنطقه كلها خايفه ، وبدأت تظهر اشاعات لان فى جريمتين قتل متحلوش ، وفى جريمه قبلها متحلتش بردو .والاربع اشخاص دول شباب ومتزوجين كلهم بس الشرطه عملت حظر تجول على طريق العشاق دا وفضلت دوريات تلف كل ليله بردو موصلوش لأى معلومه مفيده .
الجريمه الثالثه للقاتل الغامض
بعدها بفتره قصيره كان فى واحده اسمها بيتى ودى عمرها ب15 سنه وصديقها اسمه بول ، وكانوا بيخططوا للقاء مع بعض لان بول مش من نفس المدينه ولما جه ميعاد المقابله . راحو على نادى كدا وبعدا طلعو مع بعض بالعربيه فضلو يتمشو بالعربيه بتاعت بول لحد ما وصلو لطريق العشاق .
وتانى يوم الصبح كان فى راجل كبير وست كبيره رايحين على المزرعه بتاعتهم ومعدين من على الطريق ، اكتشفو ان فى واحد مضروب بالرصاص على الجمب اليمين من الطريق تحت الشجره ، والجنب التانى فى اثار دم واضح ان فيه اكتر من جثه .راحو بلغوا الشرطه على طول ولما جاتت الشرطه اكتشفوا ان فى جثتين و هما بول وبيتى .
ولما الشرطه بصت على جثة بول وبيتى لقيو ان بول اصيب باربع رصاصات من الخلف لدرجة ان فى واحده فيهم اخترقت انفه . ووحده فى ضهره فى الجنب الشمال ، معنى كدا انه كان بيجري واضرب من ضهره .
فى حين ان بيتى اضربت برصاصتين وحده فى صدرها وواحده فى وشها بشكل مباشر . وهو هو نفس السلاح المستخدم فى الجريمتين اللى فاتوا وعرفوا دا من فارغ الرصاص اللى لقيوها جمب الجثث .
ومن بعد الجريمه دى الشرطه اكتشفت ان منفذ كل الجرايم دى شخص واحد بس مين هو لسه محدش عرف وفى نفس الوقت بدأت المدينه كلها تدور على المجرم والشرطه كمان ،
وعرفوا انهم قدام مجرم خطير جدا وقاتل متسلسل واصلا كلمة قاتل متسلسل كانت اول مره تظهر فى التاريخ و ظهرت بعد الجرائم دى وسموه بعد كدا جرائم الشبح او الرجل الغامض .
وفى التحقيقات اكتشفوا ان معظم البنات بيتم اغتصابهم قبل ما يموتوا ، ودا نفس اللى حصل فى اول جريمه بس عرفوا يهربوا منه .
بس الجريمه بول وبيتى حطت الشرطه فى موقف غريب جدا ، لدرجة انهم استعانوا بمحققين خاصين ،
وبيتى من ضمن هوايتها انها بتحب الموسيقى وبتلعب دايما على اله الساكسفون ومن هنا بدء المحققين يدورو على الساكسفون بتاع بيتى ده ، والغريب ان بيتى كانت بتعزف بيه قبل ما تقابل بول ،
وفى نفس الوقت لما راحت تقابله اخدته معاها والغريب اكتر ان بول وبيتى موقفوش خالص قبل ما يوقفوا بالعربيه فى ممر العشاق .
وبدأ يشك فى ان القتل بسبب سرقه او جريمة سطو عاديه جدا بس بعدها باسبوع من التحقيقات بقى فى عندنا مشتبه واحد وداه شخص كان رايح لمتجر ادوات موسيقيه وحاول يبيع ساكسفون وكان متوتر شويه ، ولما الموظف شك فى الراجل بلغ المدير ، ولما المدير وصل عشان يشوف الراجل ولسه هيتكلم معاه الراجل هرب ، والمدير بلغ الشرطه فورا واداهم اوصافه .,
بعدا بيومين تم القبض عليه بس مكنش معاه الاله كان معاه مسدس عيار 45 وكيس فيه هدوم ملطخ بالدم ، ولما سالوه قالهم انا كنت فى خناقه وكملوا التحقيق معاه بس ممسكوش عليه حاجه وطلع بعدها على طول ، ولكن بعد 6 شهور لقيوا الاله فى نفس المكان اللى اتقتلت فيه بيتى ودى حاجه غريبه جدا ومحدش عرف يفسرها .
وبعدها صندوق المكافأه اللى كان 500 دولار ارتفع وبقي 1700 دولار وفعلا بدأ الذعر والخوف ينتشر فى انحاء المدينه والشائعات وقالوا ان دا مش موجود فى ممر العشاق بس لا ، دا موجود فى المدينه كلها . ومستنى بس اللحظه المناسبه عشان يقتل اى حد . وبدأ يطلق عليه القاتل الشبح فى عناوين الاخبار دا غير ان المدينه نفسها اطلق عليها لقب " المدينه التى تخاف من طلوع الشمس " .
تحقيقات فى جرائم القاتل الشبح
وبعد جريمة بول وبيتى على طول اسبوع حصلت جريمة قتل لزوجين بردو بس المره دى مش فى ممر العشاق ، المرة دى كانت فى منزل ومع وجود اختلافات فى نوع الرصاص حاولوا ان يربطوا الجرايم دى ببعض بس مفيش فايده ، الناس خدت دور رجال الامن وبقيوا يعملوا دوريات ، وكل بيت بقى في واحد سهران قدام بيته يحميه , وبيعملو دوريات غير دوريات الحكومه وناس تضرب نار وبالفعل مكنش فى حد بيطلع يقابل حد من بعد الساعه 8 واي شخص لو لقى حد ماشى ممكن يضرب عليه لو ميعرفهوش وحرفيا الناس عاشت فى حاله رعب وجنون بسبب قاتل ومحدش عارف عنه اى حاجه ولا حتى معلومه لدرجه ان المكافأه اللى كانت 1700 دولار وصلت 7000 دولار .
الشرطه وصل بيها الحال انها تستخدم اجهزه جديده للتواصل بينها وبين بعض كان وقتها مفبيش جهاز لاسلكى بس كان فى راديو نازل جديد ودى كانت اول مره ينزل فيها النوع دا من الاجهزه ، وركبوا الات كتابيه بتسمحلهم يتواصلوا مع الادداره .
المشتبه بهم فى جرائم القاتل المتسلسل
وبعد اخر جريمة قتل كان سكان المدينه ينتظرون بفارغ الصبر اجابات على كل هذه الاسئلة مين الشخص دا وبيقتل الناس دى ليه لانه اصلا كل اللى ماتو ملهمش اعداء ولا في اسباب او مشاكل محدده عشان يموتو بالطريقه دى ، ولكن مفيش جديد.
وفى اليوم اللى حصلت فيه جريمة القتل اللى ف البيت كان فى ظابط شاب عمل انجاز كبير ، ودا كان ظابط بشرطه ولايه تكساس وكان واحد من الظباط اللى وصلوا مكان الحادث .
اكتشف الظابط ده ان فى نفس ليله القتل كان فى جريمة سرقه لعربيه من المنطقه دى واكتشف ان العربيه دى موجوده فى موقف سيارات وقرر انه يفضل يراقب العربيه دى لحد ما يجى صاحبها او الشخص اللي سرقها .
بس اتفاجئ ان العربيه صاحبتها بنت وعندها 21 سنه كمان ، ولما واجهها قالتله ان هى لسه راجعه من السفر وأنها لسه متزوجه جديد من واحد اسمه يويل والحقيقه انهم لسه متزوجين ولو العربيه دى مسروقه فعلا ، يبقى يويل فى اتلانتا بيحاول يبيع سياره مسروقه كمان لان اللى تعرفه تاجر عربيات ،وبعد البحث والتحرى الشرطه اكتشفت ان يويل دا مجرم وحرامى عربيات اصلا وبالفعل عملوله كمين وهما بيقيضو عليه فى محطه الاتوبيسات ، حاول فى البدايه الهرب بس هما كانو مستعدين و محاصرين الموقف كله وبعد ما مسكوه و كان هيقى هو المشتبه به الرئيسي فى القضيه ودا لانه اصلا حرامى وله ماضي مع الجرائم والقتل والسطو وفى التحقيقات.
ومن اثناءالتحقيق مع زوجنه وسماع اقوالها الشرطه حست ان هى بتعترف رسمى ان زوجها هو القاتل الشبح ليه لانها حكت 3 مواقف بيثبتو دا .
اول موقف وهو معاها فى بيت اخته سالته ايه رايك فى الجرائم دى تفتكر مين المجرم ده ، رد عليها وقالها دا شخص عقله لامع واذكى من رجال الشرطه .
الموقف التانى . وهما راجعين من سهره مع بعض وقف العربيه فى حديقه سبرينج واللى هى ممر العشاقيعنى نفس المكان بيتقتل فيه الضحايا ، نزل من العربيه وغاب حوالى ساعه وهى سمعت صوت عالى وكأنه طلقات نار . ولما رجع بدأ يسوق بسرعه رهيبه .
ولما قارنو الوقت والتاريخ اكتشفو ان دا وقت مقتل بول وبيتى .
فى اليوم التانى ودا الموقف الثالت ليها اعترفت زوجته ، بس غيرت اعترفاتها بشكل خفيف وقالت انها كانت بتشوف الجرائم دى ، وكمان شافت جريمه بول وبيتى وقالت انها كانت نتيجة لخطأ السرقه .
وبعد كدا الشرطه حست انها على الطريق الصحيح واكتشف ان المشتبه به كان يملك مسدس عيار 32 ودا بيتطابق مع مواصفات اللى حصلوا عليها فى جريمه قبل كدا ، ولكن فى مواجهته انكر كل حاجه .
وكمان فشل اختبار بصمات الاصابع فى اثبات اى شئ عليه . وبعدها اكتشفوا ان فى اخطأ كتير فى اعترفات مراته ومن هنا اعتبروها شاهده غير موثوق بها لانهم حسو انها بتلعب بيهم واللى اكد كدا ان البصمات مش متطابقه . واصلا اعترافاتها مكنش المفروض الشرطه تاخد بيها لانها زوجه ، وكمان عشان غيرت اقوالها ، بس بردو اتحكم عليه بالمؤبد لانه عنده سوابق كتير .
وبعدها بسنتين رجعت القصه تتصدر الصحف العالميه لانهم اكتشفوا مشتبه به رئيسي ، ودا شاب عنده 16 سنه انتحر وبعد البحث والتحقيقات فى انتحاره .
اكتشفوا انه مات بسم فران ، وترك رساله اعتراف ان هو فانتوم كيلر بس لما دوروا وراه اكتشفوا انه كل علاقته بالجرائم دى انه كان صديق بيتى فى درس الساكسفون ومكنش صديق مقرب يا دوب يعرفوا بعض . وانه كمان بيحب القصص فبالتالى خرج من الصوره
المشتبه به الاخير
رجل اسود 26 سنه ارتكب جريمه قتل زوجين بردو بطريقه عنيفه وكان بيشتغل مع اخر واحد اتقتل في بيته .
واثناء ارتكابه الجريمه اللى اتمسك فيها اعتدى على زوجه القتيل قبل ما يقتلها ودا السبب اللى خلاه محل شك واهتمام فى قضية فانتوم كيلر ، بس الشرطه موجهتلهوش اى اتهام ليه فى قضايا تكساركانا لانه كدا كدا حكم عليه فى النهايه بالسجن مدى الحياه للجريمه اللى ارتكبها .
وبعدها ب25 سنه ظهر مجرم تانى يستخدم نفس الاسلوب مع اختلافات بسيطه ودا هيكون موضوعنا القادم.