تفاصيل اختفاء ومقتل فتيات الكاسر اسبانيا

جريمة فتيات الكاسر او فتيات مدينة القصر ، قضيتنا اليوم غريبه ومختلفة من نوعها ، واتعددت النظريات في تفسيرها وحلها ، منهم فسر ان مرتكبين الجريمه مسؤلين كبار فى الدوله و تابعين للماسونيه ، ومنهم فسرها انها جريمة خطف وقتل عاديه .هنتكلم عن جريمه هزت الرأى العام فى اسبانيا لسنوات طويله ومتحلتش .

قصة أختفاء فتيات الكاسر ، أسبانيا 

قصة اختفاء غريبه ومختلفه لدرجة انها هزت اسبانيا بالكامل لسنين كتير ، فى الاول هقولكم شويه معلومات عن البنات عشان تبقوا فاهمين هتكلم عن ايه وهما 3 فتيات .

أنتونيا جوميز رودريغيز

الفتاه الأولى : انطونيا جوميز 15 سنه وشهرتها تونىولدت فى مدينه فالنسيا باسبانيا .وهى فتاه خجولة بطبعها وبتحب عيلتها جداوكانت دايما لما بتروح مكان بتتصل باهلها وركز فى الحته دى لان هيكون فيها تناقض فى احداث القصه .

الفتاه الثانيه : هى ماريا ديسيدا سنها 14 سنه ولقب الشهره بتاعها ديزيه ودى بتحب تلعب العاب القوى ولما مش بيكون عندها مباره كانت بتحب 

ماريا ديسيادا هيرنانديز فولش

انها تمارس التزلج فى انحاء المدينه. لان دى هوايتها المفضله ،وكمان هى اجتماعيه بطبعها وبتحب الاختلاط بالناس .

 الفتاه الثالثه : هى ميريام جارسيا ودى مشهورة بجمالها وبتحب الباليه وبتحب التعليم وهى خجوله ومتحفظة وبتحب الشعر جدا ودول هما التلات فتيات. اتولدوا فى فالنسيا ونشأوا فى بلدة الكاسر وكان ليهم صديقة تاني 

 اسمها استر دياز بس استر مكانتش معاهم لما اختفوا لانها كانت تعبانه ساعتها 

بتبدأ الصقه باختفاء الثلاث فتيات وقبل ما يختفوا بأيام قليله سجلت تونى اغنية في الراديو لأصدقائها اللي هما استر وميريام وديزيه ومقدم البرنامج فى الراديو بيسأل تونى هتقضي الويك اند فين قالتله لسه مش عارفه بس كل اللى متاكده منه انى مش هكون فى البيت.

وفى يوم الجمعه 1 نوفمبر 1992 اختفي الاصدقاء التلاته تونى وديزيه وميريام ، كانت مريام وديزيه فى المدرسه من اول اليوم .

ولكن تونى كانت مع صديقتهم استر عدت عليها بعد الضهر ، ورجعت مريام وديزيه للبيت الساعة 2 وكل اهاليهم شافوهم وعدوا على تونى واستر لان استر كانت تعبانة في اليوم دا .

وكانوا متفقين يروحوا على حفله فى بلده مجاوره فى ملهى ليلي اسمه كوولور، لان اصحابهم فى المدرسه كانوا عاملين حفله هناك . والحفله دى كانت لجمع التبرعات عشان يروحوا حفلة نهاية السنه . 

والمسافه بين الملهى والمدينه قريبه جدا يعنى ممكن تقول 5 دقايق بالعربيه وحوالى ربع ساعه مشي ، وبكل المؤشرات كانوا البنات رايحين الملهى ده بناء على التحريات ، والكلام دا اتقال من الناس اللى حواليهم واصلا محدش عارف نوايا البنات كانت ايه ؟؟

تفاصيل اختفاء فتيات الكاسر اسبانيا 

بالظبط طلعوا الساعة 8 بليل من بيت استر على حسب كلام شهود العيان وناس كتير شافتهم وهما رايحين الملهى الليلي يعنى شافهوهم ماشين على الطريق المؤدى للملهى بس مفيش أي حاجه تثبت انهم وصلوا للملهى .

والحاجه المثيره فعلا للاهتمام هو ان البنات مكنش معاهم تذاكر مسبقه لدخول الملهى ، وهما فى الطريق قابلوا واحد اسمه فرانسيسكو وده صديقهم وقالهم هو انتوا هتروحوا الحفله اللى فى الملهى قالوله لا.

ودا فى حد ذاته تناقض كبير لاحداث البيان الرسمى ، وحوالى الساعه 8.15 قابلهم واحد تانى اسمه خوسيه وكانوا قاعدين على الرصيف وكان راكب عربيه وقف وسالهم انتوا محتاجين حاجه او تحبوا اوصلكم لأى مكان وقالوه انهم رايحين على الملهى .

ركبوا معاه عشان يوصلهم ،عربيته عطلت قبل الملهى بحوالى 100 متر راحوا نزلوا من العربيه وهو دخل ورشه عشان يصلح عربيته، وبعد مانزلوا من العربيه فى واحد كمان شافهم انهم فى الطريق داخلين على الملهى الليلي او يعنى خلاص فاضلهم حوالى 20 متر ويدخلوا الملهى.

ملهى coolor

ودا كان اخر واحد شافهم ، وبعدها ووسط التحقيقات ظهرت وحده كبيره في السن اسمها ماريا ودى غيرت مجرى القضيه بكلامها وقالت انها شافت3 بنات يركبوا عربيه سيدان بيضا والعربية دي كان فيها 4 رجاله الساعة 8 جمب بيتى وبالفعل كان فى عربيه بيضاء وفيها 3او 4 اشخاص مركونه جمب منزل الست دى .

وكلامها غير مجرى القضية لأنها اكدت للشرطة انهم اختطفوا ، بس تعالى يا صديقي نفكر مع بعض هما 3 بنات والعربية فيها 4 شباب هل العربية تكفى 7 اشخاص والعربيه اصلا صغيره !!! انت متخيل !!!

ومن هنا بدأ اللغز ، ولما البنات مرجعوش البيت راح ابهاتهم في 14 نوفمبر الى مركز الشرطة يبلغوا عن اختفائهم. وفى يوم 16 نوفمبر اتاكد جميع الاباء ان فى حاجه حصلت والبنات مستحيل يسافروا لاى مكان لانهم مش معاهم فلوس ومش بيشتغلوا .

وفى نهاية الشهر كانت الشرطه عملت تحريات وسألو اصدقائهم وشهود العيان بما فى ذلك شهادة ماريا الست الكبيره اللى اتكلمنا عنها واللى كلامها غير مجرى الاحداث .

واتاكدت الشرطه من عدم دخول البنات التلاته الى الملهى ده، بدأ ابو مريام يطلع فى برامج التليفزيون والراديو على امل انه يلاقي طرف خيط يوصله لبنته .

والموضوع بالنسبه للبلد كان غريب جدا اول مرة تحصل حاجه زى كدا ، وبدأت الشرطه فى استخدام الحيل المعتاده من سؤال المجرمين والمسجلين في قضايا خطف قبل كدا ، بس موصلوش لحاجه وبعد اسبوعين المدينه كلها كانت بتدور على التلات بناته دول ومكنش فى سيره فى المدينه كلها الا عن البنات ودا لان المدينه صغيره يعنى تقدر تقول عدد سكانها حوالى 2000 شخص.

دول وانتشرت القصة على صدى واسع ليشمل المدن المجاورة، ومفيش اى خبر عن البنات لدرجة ان وزير الداخليه الاسبانى بنفسه اهتم بالموضوع ده وعمل فريق بحث كل مهمته العثور على التلات بنات دول .

وسمى الفريق دا فريق العمليات المركزيه وكان بيضم رجال من الشرطه ورجال من الحرس الوطنى  ودا لان ابو ميريام كان بيطلع فى التلفزيون كتير وبيناشد المسئولين. 

ورئيس حكومة اسبانيا استقبل اهالى البنات وسمع لمطالبهم ووعد بتكريس المزيد من القوات والمحققين عشان يلاقوا البنات او حتى خبر مؤكد اذا كانوا عايشين ولا ماتوا .

والقضيه دى بقيت قضية راى عام فى اسبانيا وكمان تم احالتها للانتر بول انتوا متخيلين حجم القضيه الحقيقي ، وفى يوم 27 يناير سنه 1993كان فى اتنين واحد اسمه غابرييل والتانى اسمه خوسيه ودول اصحاب مزارع نحل كانوا فى طريقهم للمزرعه بتاعتهم .

تفاصيل العثور على ثلاث جثث للفتيات الكاسر اسبانيا 

وقفوا على الطريق وواحد فيهم نزل يشرب سيجارة والتانى كان بيتمشي شويه عشان يفك رجليه ويكشف خلايا النحل فى المكان المهجور شاف حاجه بتلمع من على بعد  قرب منها اكتشف انها ايد حد فى الارض مدفونه .

واتخض وجرى بسرعه على صاحبه التانى وكان مصدوم مش قادر يتكلم لانه كبير فى السن ومش بيستحمل الحجات دى وبعد ما هدى شويه قاله على اللى شافه وقام يوريله المكان ووقف بعيد وشاورله عليه والتانى راح يشوف غى ايه وكان معاه معلقه اللى بيكتشف بيها العسل وحفر بيها كدا شويه واكتشف ان دى فعلا ايد بنى ادم .

كلم الشرطه اللى بطبعها جات وحفروا والشرطه ساعتها كانت مفكره ان دى ايد راجل ومكنش متخيلين ان دى ايد بنت ، وتم اكتشاف الجثث التلاته فى حفره كبيره وكانوا فى مراحل مختلفه من التحلل وركز معايا يا صديقي فى النقطه دى .

ونبهوا ان المعلومات دى سريه وممنوع اى حد يتكلم فيها او ينشر خبر عن الموضوع ده لحد ما يشوفوا شغلهم ، وفى الحقيقه هنا نعرف لما بتكون فى حاجه زى كده الشرطه الاول بتاخد صور لكل حاجه موجوده وبالتفصيل الممل و فى القضيه دى الشرطه ماخدتش ولا صوره لاى حاجه وهى صوره وحده بس اتاخدت .

وتصرف الشرطه دا لفت انتباه كل المهتمين بالقضيه وحتى فى دول تانيه كانت متابعه القضيه اتصدموا من تصرف الشرطه ده ازاى وليه مفيش صور لمسرح الجريمه قبل ازالة الجثث من الحفره .

ولما طلعوا الجثث كان فى اتنين منهم مقطوعين الراس وملفوفين فى كياس كبيره مع بعض وايديهم كانت مربوطه بحبال سوده ، وتم اكتشاف حجات كتير فى الحفره دى ملهاش علاقه بالموضوع وحبال وورق وزباله وحجات كتير ، وللاسف مفيش اى معلومات عن ان الزباله دى كانت فوق الجثث ولا تحتها ولا فين بالظبط ودى صورة الحجات فى مكان الجريمه .

والغريب اكتر ان الحجات دى دليل بس ليه الشرطه مأخدتش اى حاجه من الحجات دى وسابتهم كلهم ؟ 

المشتبه بهم فى قضية مقتل فتيات الكاسر 

المشتبه الاول : ميغيل ودا مدمن كحول ومستهتر وسيء السمعه وكان شغال فى المخدرات واشتغل فى حجات كتير زى العربيات 

ميغيل ريكارت المشتبه به الاول

المستعمله وعاش مع صديقته شويه وخلف منها طفل وبعدين دخل الجيش وبعد الجيش رجع لاسلوب الانحراف والمخدرات وغيره وكان بيسرق عربيات ويبيعها ويعنى كان مجرم على صغير كدا .

المشتبه به الثانى : اسمه انطونيو مورد مخدرات وصديق لميغيل اللى اتكلمنا عنه ، تنطونيو دا شخص منحرف جدا وكان يسرق اخواته ويشترى مخدرات وكان مهرب مخدرات وكان منحرف خطر واتسجن كتير فى تهم سرقه ومخدرات .واشتبهو فيهم عشان بالصدفه وفى وسط البحث والتحريات اكتشفوا ان فى ورقه من مستشفي فى المنطقه المحيطه بالحفره اللى لقيوا البنات فيها .

المشبه به الثانى انطونيو

والورقه دى عباره عن روشته للمرضي تمت كتابتها فى السنه السابقه واكتشفوا انها تخص واحد اسمه انريكى ودا شقيق انطونيو .وهنا انت يا صديقي هتقول بس هما دول اللى عملوها وهنا هتبدأ قصة انطونيو فى الغموض . فى وحده اسمها نوريا سرقت من انطونيو شنطه مخدرات وكان انطونيو هيبيع الشنطه دى .

وراح انطونيو وخد البنت دى ورجع بيها على بيته وربط ايديها وربطها فى عمود فى اوضته ونزل ضرب فيها لساعات وصلت ل25 ساعه لحد ما اتصل اخو انطونيو بالشرطه وجم اخدوه.

واتقبض عليه بتهمه خطف نوريا مش خطف البنات وبعدها باسبوع اطلقوا سراحه . يعنى خرج من السجن قبل خطف البنات بشهرين . وبدأت الشرطه تشك فى الاتنين دول وبدأوا يراقبوهم وبدأت حيل الشرطه معاهم واستطاعت الشرطه التحقيق مع ميغيل بعد التحدث مع عائلته واخدوه فى غرفه مع رجال لابسين ملابس مدنيه وقالهم معلومات عنه ووسط كلامه قالهم انه كان سايق عربيه اوبل كورسا بيضا ودى مواصفاتها تتطابق مع وصف السيارة اللى حكت عنها الست الكبيرة فى التحقيقات . 

وبدأت الشرطه تضغط عليه فى موضوع العربيه وسألوه انت سرقت العربيه دى قالهم لا فى الاول بس بعدها قالهم ايوا انا سرقتها واديتها لانطونيو . والكلام دا غير حقيقي لان انطونيو مش بيعرف يسوق .

السياره التى قادها ميغيل

ولما سألوه عن انريكى اخو انطونيو قال انه شخص مريض عقلى وداممكن يكون سبب فى انه خطر على اللى حواليه ومع ذلك حاول تبرئته وقال انه شخص طيب وغير مؤذى للى حواليه وميقدرش يموت حتى حد.ولما سألوه عن انطونيو المشتبه فيه الرئيسي قالهم انه ليهفتره كبيره ميعرفش عنه حاجه وانه من فتره كبيره مشفهوش وركز

معايا لان دا مش تحقيق كانت قعده غير رسميه يعنى ممكن نقول عليها دردشه .ولما الشرطه بدأت تستخدم كلام ميغيل ده فى تفسير القضيه شكوا انه هو كمان متورط فى الجريمه عشان كدا قال انه من فتره كبيره مشفش انطونيو . ولما حققوا معاه بشكل رسمى سالوه كنت فين وقت وقوع الجريمه اللى هى اختفاء البنات .

قالهم انه كان فى السجن ساعتها وفعلا هو كان فى السجن بتهمه سرقه عربيه .بس ياترى هو كان محبوس يوم الجمعه بالتحديد؟؟ بس مفيش فى سجلات الشرطه اللى يثبت انه فى يوم الجمعه اللى اختفوا فيه البنات انه كان موجود فى السجن . وفعلا اتاكدوا انه مكنش فى السجن ودا كان كفايه عليهم انهم يتاكدو من صحة شكوكهم.ومن هنا اصبح معاهم دليل انهم يحققوا معاه رسمى لانه اشتبه فى سواقة السياره. والتانى لما قالهم انه كان فى السجن وهو مدخلش السجن فى اليوم دا .

وبعدها احتجزوه وتم اتهامه رسميا بانه شريك فى جريمه الاختفاء دى .ولما استجوبوه رسمي . فى الاول رفض وبعدها سابوه بدون اكل او نوم او ميه وفى اخر اليوم اعترف ميغيل بانه شريك فى ارتكاب الجريمه دى .

ولكن اعترافاته كانت مختلفه تماما عن شهاده الشهود. اعترف انه اخد البنات فى عربيه هوندا زرقاء . وان البنات راحوا معاه بارادتهم واخدهم فى لارومانيا والرحله دى استغرقت حوالى ساعتين . ولما وصلوا مكان مهجور ، نزلوا البنات من العربيه وهو راح مع بنت فيهم اللى هى ديزيه  وانططونيو راح مع الاتنين التانين ودا بردو منتاقض جدا لانه من خلال تقرير الطب الشرعى تبين انه تم الاعتداء عليهم وميغيل بيقول كل حاجه حصلت بارادتهم وبعدها ب20 دقيقه انطونيو قتل البنتين اللى معاه وهو قتل البنت اللى معاه .

يعنى هو قال للشرطه الكلام اللى عايزه تسمعه وكان من الصعب انهم يصدقوا الكلام دا واتاكدوا انه مش هيقول ولا كلمه الا لما يكون فى دليل واضح على كلامهم او التحقيق معاه. وبعدها اعترف انه تم تعذيبه من الشرطه عشان يقول الكلام دا ونغير الاعتراف كان فى خلال 24 ساعه بس واكيد يا صديقى انت بتسال هما ليه مجابوش انطونيو وحققوا معاه .

بس الحقيقه ان انطونيو اصلا كان مختفى ومحدش عارف عنه حاجه من قبل الجريمه بشهر ولما سالوه اكتر اكتشفوا انه شخص شاذ ومن هنا الحكومه قالت انه ارتكب الجريمه دى لانه بيكره البنات كل حاجه فى القضيه دى غريبه يا صديقي موقف الشرطه غريب جدا ودا بيظهر فى مواقف متعدده لدرجة انك تشك انهم عايزين يداروا على القصه او بيقفلوها باسرع وقت .

المنزل الذى قفز منه انطونيو

الغريب فى الموضوع ان الشرطه بعدها طلعت اعتقلت عائلة انطونيو بالكامل وقالو انه كان موجود فى البيت وقت لما راحوا وكان فى الدور الرابع ونط عادى وومحصلوش اى حاجه وبدأت تطلع اشاعات والشرطه تستقبل مكالمات انه فى ناس شافته فى المنطقه وكان عند حلاق وغير لون شعره وغير من شكله .

وهكذا وبردو الحكومه معرفتش توصلوا وتم وضع اسم انطونيو فى قوائئم الانتربرول وبدأوا البحث فى كل المدن المجاوره.وحاولت الشرطه تتواصل لميغيل مره تانى بسبب انهم موصلوش لاى معلومه دا حتى احداث الجريمه نفسها معرفوش يوصلوا لها وايه اسباب الجريمه نفسها .والغريب والمدهش انهم لما رجعوا لتقرير تشريح الجثث كان واضح انه تم تعذيبهم والاعتداء عليهم بطريقه وحشيه وبكل معانى الوحشيه والعنف لدرجة انه فى اجزاؤ من جسمهم مقطه بداوات حاده .

بس الطب الشرعى بعد التشريح المبدأى غسل الجثث بالميه هو فى اكتر من انهم اتغسلوا بالميه يعنى كل الادله الجنائيه ضاعت . انت متخيل اللى بقوله دا !!!طلع دكتور ودا مسئول عن التشريح التانى.قام عمل لائحة اتهام قويه جدا فى المسئولين عن التشريح الاول وقال انه تم اتلاف الادله عن عمد وبشكل دائئم والى الابد وتم تجاهل ادله مهمه والتركيزعلى اجزاء ملهاش علاقه بالقضيه.

ودا ادى لتناقضات كبيره فى الادله.طبعا انطونيو هارب ومحدش عارف مكانه وفى المحاكمه ميغيل غير اقواله وكان دايما بيأكدا انه اعترف بكدا تحت التعذيب .ولكن حصلت مفاجأه غيرت مجرى القضيه وهى ان ابو ميريام طلب تاجيل القضيه . تفتكر ليه يا صديقي ؟؟

انا اقلك كان طلب فحص الحمض النووى ومن هنا بدأ ابوها يدخل فى تفاصيل القضيه اكتر واكتر ودخل مع واحد اسمه خوان ودا عنده برامج فى التليفزيون مخصصه فى مناقشه الجرائم والقضايا الغريبه .عالم جريمه وبالفعل بدء خوان التحقيق فى الجريمه دى وابو مريام ساب وظيفته عشان يكون فاضي ويساعد خوان فى التحقيق ويوصلوا للجانى.

وقدروا يتوصلوا لملفات القضيه من الشرطهولاحظوا ان الشرطه معندهاش اى دليل مادى قوى غير الورقه اللى لقيوها واشتباه فى عربيه .والاعترافات الكاذبه والناقصه لميغيل .

تحقيق فى اختفاء ومقتل فتيات الكاسر اسبانيا 

ملاحظه كمان كدا عدت اربع سنين على قضيه الاختفاء وميغيل لسه محبوس وكانت بتحصل محاكمات على فترات طويله بسبب الادعاءات وانه اتعامل كشريك فى القضيه بس ابو ميريام والمحقق كانوا مكملين فى البحثاول حاجه كانت فى دماغهم ان ميغيل وانطونيو مش هما اللى نفذوا الجريمه دى بالعكس دول طرف ضعيف يعنى من الاخر دول هما اللى دفنوا البنات .

او هما اللى خطفوهم بس اللى نفذ لا مش هما خالص وان كمان فى مسئولين كبار هما اللى عملوا كدا لان محدش يقدر يغير او يلعب فى الاله غير حد قوى ومسئول كبير ، و الشرطه اصلا طرف ضعيف بالنسبه للناس دى.

وفى سنه 2002 كان فى دكتورة لاحظت ان قطعه السجاد اللى لقيوها معاهم كان عليها حمض نووى لم يتم اختباره. واكتشفت ان الطب الشرعى محللتهوش اصلا ومكنوش قادرين يعملوا التحاليل دى قبل كدا عشان تقنيه الحمض النووى مكنتش منتشره قبل كدا ، وكمان التقنيه نفسها مش موجوده . 

وكمان لقيت ١٥ شعرايه على السجاده منهم ٣ شعرايات كانوا مطابقين لميغيل وانطونيو و١٢ شعرايه كانو غير مطابقين لاى عينه .وكان ظهر فيديو من جانب احد الاشخاص بعته للمحقق وظهر اربع اشخاص وهما بيعذبوا ديزيه ودا كان سنه 99 وكان فى صور واضحه للتعرف على الاشخاص والاربع اشخاص دول مسئولين كبار فى الدله وبينتموا لطائفه دينيه معينه وسبق انهم شكوا فيهم قبل كدا ولما خوان قدم شكوى لوزير الداخليه الاسبانى وللاسف معملش حاجه .

تفتكر ليه يا صديقي ، بس انا المرة دى مش هقلك هسيبلك حريه الرد والتفكير  بالنسبه لوسائل الاعلام اتهموا الاب والمحقق بالمؤامره يعنى مجانين اكيد انت فاهم انا اقصد ايه .

وفى سنه 2009 بعد السنين دى كلها كان الاب والمحقق مكملين وميغيل محبوس وانطونيو هارب طبعا اتحكم على المحقق بغرامه 300 الف يورو انت متخيل اتحكم عليه عشان بيدور على الحقيقه واتهم رجال الامن انهم مقصرين .

وطبعا الاب مسلمش من الغرامه والمفروض يدفعوهم لرجال الامن .المحقق خوان عمل اكبر موقع فى العالم للتحقيق فى الجرائم ولما يتكلم عن الفيديو قاله انه نقطه تحول كبيره فى حياته .

وبالنسبه لميغيل خرج سنه 2013 وبردو اصر انه مرتكبش الجريمه دى وخرج لانه قضي 21 سنه من غير ما يتحكم عليه حكم نهائى. انت متخيل يا صديقي. النظريات والتفسيرات بتشير الى منظمات وشخصيات مهمه فى اسبانيا هى اللى عملت كدا.بتنتمى لطائفه معينه وفى ناس تانى بتقول ان ميغيل وانطونيو هما المنفذين للجريمه دى .

ولحد النهارده الجريمه دى متحلتش يهمنى اعرف رايك فى الجريمه .