نجل المكسيكي البارز خواكين إل تشابو غوسمان يشعل الحرب في المكسيك

اعتقال ابن إل تشابو وبداية القضية 

على مدار السنين قدرت عصابة sinola cartal " كارتل سينالوا " توسع نشاطها في الولايات المتحدة الامريكية  والدول اللي حواليه وبسبب الشراكات اللي عملوها مع مهربين كبار في العالم نفوذهم فضل يكبر بشكل مرعب وقدروا يرشوا السياسيين والجيش وبقى عندهم القدرة إنهم يدمروا أي شخص أو جهة توقف قدام مصلحتهم و عشان تفهم خطورة العصابة دي اد إيه وحجم نشاطهم، ركز معاياة في اللي جاي عصابة الكارتل بتصدر المواد المخدرة الى حوالي 50 دولة وتقديرات المباحث الفيدرالية الأمريكية اللي طلعت سنة 2019 بتقول إن العصابة صدرت كميات من المخدرات .

من بداية التسعينات لحد دلوقتي وصلت إرادتهم من بيع المخدرات  12 مليار دولار والمشكلة الأكبر أن هم يصنعوا المخدرات وأشهر رؤساء العصابة دي شخص اسمه خواكين إل تشابو غوسمان بالإسبانية  Joaquin El Chapo Guzman اللي انضم للعصابة في بداية تأسيسها وهو لسه شاب صغير و مع الوقت.

أسس إل تشابو أكبر إمبراطورية معروفة في العالم بتجارة وتهريب المخدرات ومحدش قدر يوصل لقيمة الثروة الحقيقية إللي عملها إل تشابو لكن يقال إنها من إثنين ل4 مليار دولار، ده غير إنه يمتلك أصول ضخمة ومباني بتوصل قيمتها الى 12 مليار دولار  و في سنة 2009 صنف إل تشابو من ضمن قائمة أغنى 100 شخص في العالم ،وفي التسعينات حصل انقسام بين العصابات دي وبدأ يحصل بينهم خلافات وصلت للهجوم بالأسلحة الثقيلة على بعض و بسبب الخلافات دي اتقبض على إل تشابو عام 1993 لكن قدر بعدها ب8 سنوات يهرب من السجن .

أكمل نشاطه تاني كقائد إمبراطور للعصابة وسنة 2015 اعتقلوه مرة ثانية وبرضه قدر يهرب من السجن لكن في عام 2017  سلمت السلطات المكسيكية أل تشابو إلى الولايات المتحدة واتهموه 10  تهم منها غسيل الأموال والإتجار في المواد المخدرة  واتحكم عليه بالسجن مدى الحياة وما حد عارف هل  فعلا دي نهايته ؟ ويقضي بقية حياته هناك ولا يهرب زي كل مرة لكن قصة العصابة ما انتهت  لأن أولاد المكسيكي البارز خواكين إل تشابو هما اللي استلموا الراية من بعده وكان النصيب الأكبر في القيادة  أوفيديو غوسمان   Ovidio Guzman Lopez الملقب  The mouse نجل البارز خواكين إل تشابو غوسمان  .

ماذا يحدث فى المكسيك الأن 

 أوفيديو غوسمان ، ابن أل تشابو هو السبب الرئيسي فى اللي بيحصل في المكسيك دلوقتي لأن في فترة قيادة أوفيديو ابن إل تشابو للعصابة زاد نشاطها جدا ورجعت تنظم صفوفها تاني وبدأوا يسلحوا نفسهم ويهتموا بتطوير جيشهم عشان يحموا نفسهم من أي هجمات مفاجأة من الشرطة لكن في سنة 2019 السلطات المكسيكية بتقبض على Ovidio كان رد فعل أعضاء العصابة على اعتقاله عنيف جدا وبدأوا بأعمال الشغب والعنف في مدينة كليكان المكسيكية وحصل إصابات كتير بين السكان وقوات الشرطة وقتها رئيس الدولة أندريز مانويل لوبيز .

ما كنش عنده اختيار غير إنه قام بألغاء الحكم ل ابن  المكسيكي البارز خواكين إل تشابو عشان يرجع تانى حر ويمارس دوره ك زعيم للعصابة مكان أبوه وفي يوم 5 يناير اللي الماضي بدأت قوات الجيش تستعد في مدينة كولي كيان عشان تقبض على Ovidio وهو في طريقه للمطار مع عيلته وده بعد ما راقبوه لمدة 6 أشهر ،وقدروا يحاصروا في المطار وينقلوه بطيارة عسكرية خاصة لمدينة مكسيكو سيتي لحد ما يسلمو ابن إل تشابو إلى الولايات المتحدة وتم توجية تهمة الإشراف على عدد كبير من معامل تصنيع المخدرات لكن مجرد ما انتشر خبر اعتقال Ovidio الدنيا انقلبت.

والسيناريو إللي تكرر من أربع سنين بيحصل تانى  لكن المرة دي أشد وأقوى بدأت أعمال الشغف تنتشر في مدينة كولياكان المكسيكية وقامت  معارك قوية بالأسلحة التقيله  بين أعضاء العصابة والشرطه اتصاب فيها 80 شخص تقريبا، والمسؤولين بيقولوا إنه أعضاء العصابة نهبوا أكثر من 25 محل في المدينة وحرقوا حوالي 250 عربية واقتحموا المستشفيات وخطفوا الدكاترة وأجبروهم يعالجوا أعضاء العصابة المصابين ده غير إنهم قطعوا الطرق بمدرعات مفخخة واستخدموا صواريخ مضادة للدبابات .

عشان يصد هجوم الجيش وبعد ما الجيش فقد السيطرة عليهم اضطر إنه يهجم بالطيارات الحربية، لكن حتى الهجوم الجوي كان لي رد فعل قوي من العصابة وقدروا إنهم يستهدفوا مطار كليا كانوا يضربوا عشان يمنعوا الجيش من ترحيل زعيم العصابة برا المدينة تفتكر اللي بتحصل ده يوصل لحد فين ؟ وهل فعلا العصابة تقدر تسيطر على المدينة ولا الحكومة المكسيكية تكتب السطور الأخيرة في تاريخ عائلة ال تشابو غوسمان  Joaquin El Chapo Guzman ؟