يوم 7 سبتمبر سنه 1996 ،تم اغتيال أيقونة الهيب هوب والراب العالمي الأمريكي توباك شاكور والملقب بقاتل الماسونية ومحارب العنصرية ،تم اطلاق 13 رصاصه بس شاكو أصيب بأربع رصاصات فقط ،2 في الصدر وطلقه في دراعه وطلقه تانى في رجله، وبعد 6 أيام تم اعلان وفاته .
مين هو توباك شاكور؟ فين جثة توباك ؟ لماذا تم التستر على القضيه بتاعته؟
وما علاقه رابطة الدفاع اليهودية ،ومنظمة الماسونية باغتياله ؟
كل هذه الأسئلة سنجيب عليها من خلال هذا المقال .
 |
من هو توباك شاكور
توباك شاكور ،ولد يوم 16 يونيو سنه 1971فى نيويورك ، حياته كانت صعبه وقاسيه عانى من العنصرية والتنمر والظلم لأنه افريقي ، عمره ما شاف ابوه غير بعد ما وصل 20 سنه ، امه كانت متهمة بتهمه تفجير قبل ولادته بشهر وخرجت من السجن وولدت توباك ، وكمان ابوه كان على راس المطلوبين ال10 في قائمة الاف بي أي ، في فترة الثمانينات ودا لأنه ابوه وامه كانوا منضمين لجماعه او حركة تسمى البلاك بنسر ودى جماعه حقوقيه للسود في أمريكا.
بداية مشواره الفني
بدء توباك شاكور مشواره الفني ولقب بأكثر من لقب ابرزهم ميكافيلى ، ذا دون ، كليومناتى ،باك ،ودى معظم الألقاب التي اكتسبها خلال مشواره الفني ،الحافل بالإنجازات ودا لأنه كان كاتب ومغنى وممثل ماهر ،البوماته لوحدها اتباع منها 75 مليون نسخه في العالم كله ، وكان عنده ملايين المتابعين في مختلف دول العالم .
وكان مشهور بكلماته العنيفة وشخصيته القوية والصارمة وصراحته المطلقة ،وكانت دايما اغانيه بتتكم عن المواضيع الاجتماعية ،ومنها العنف في الشوارع ،والعصابات ،وتجار المخدرات وفرق الطبقات وليه ناس اغنى ،وتملك ملايين وناس تانى مش لاقيه تأكل ، ومن هنا بدء حب الناس له وكان دايما محبين توباك واللي يسمعوه بيقول انه واحد مننا شخص فقير يمثلنا .
ويحكى احوالنا ، كان دايما مناصر للفقراء يحب العرب صريح ، بس موته او بمعنى أوضح اغتياله عمل صدمه كبيره لكل محبيه .
محاولات اغتيال سابقه
من ضمن محاولات اغتيال توباك شاكور كانت في سنه 1994 وكان موجود في نيويورك يستعد لتسجيل البوم جديد مع مجموعه من مغنيين الراب ومن ضمن المجموعة دي شخص يسمى " نوتوريوس بي. آي. جي " ،ودا تم اتهامه بانه وراء عملية الاغتيال دي وكان صديق لتوباك أصلا.
وبعد ما توباك اتعالج وطلع من المستشفى بقي واحد تانى واتغير كليا لدرجة انه مبقاش يثق في أي حد حتى اقرب الناس له ،وبقي يشك فى كل اللي حواليه وعمل كام اغنيه يوجه فيهم اتهامات لشخصيات كبيره ، ودا كان سبب في ظهور حاجه كدا اسمها حرب الراب ودى معروفه بين مغنيين الراب .
وكانت كلمات الأغاني دي او الحرب عموما كلمات سب وقذف وتهديدات ، بس توباك قبل ما يتم اغتياله اعلن ان دي مش حرب بمعنى الكلمة هي مجرد اختلافات في وجهات النظر وانه مش مستعد للخروج عن القانون بسبب تفاهات بعض المغنيين .
قضايا توباك شاكور سابقة .
توباك اتقبض عليه كتير بس كانت أطول فتره ليه في السجن كانت 11 شهر وكانت التهمه هي التحرش ودفع ما يقرب من 104 مليون دولار وفى خلال فتره حبسه اصدر عدة أغاني يحكى فيها عن معاناته والظلم اللي اتعرض له وبعد خروجه من السجن اصدر البوم اسمه All Eyez On Me ، واحتل المركز الاول وتجاوزت مبيعاىه حاجز ال15 مليون نسخه فى امريكا بس وكمان 30 مليون نسخه حول العالم .
والغريب فى الموضوع انه رغم كل الارقام دى توباك اشتغل على الالبوم دا اسبوعين بس يعنى من الاخر فى خلال الاسبوعين كان الالبوم جاهز من حيث الكلمات والالحان والكتابه والانتاج متخيل .
توباك بيحب القراءه والكتب جدا والشعر وعمل مسرحيه وله مؤلفات ادبيه بيتم تدريسها حتى الان فى الجامعه الامريكيه
أحداث ليله اغتيال توباك شاكور
يوم 7 سبتمبر 1996 ، حضر توباك مباره ملاكمه في فندق ام جي ام جراند في لاس فيجاس وكان معاه صديقه شوج نايت وبعد انتهاء المبار واحد من رجاله نابت شاف شخص اسمه اورلاندو ،ودا عضو من عصابه كربيس في حديقة الفندق ، قال لنايت انه اورلاندو موجود في الفندق ونايت طبعا بلغ توباك بس توباك مهتمش بالعكس قام راح لاورلاندو وضربه عشان كان في مشاكل وخلافات سابقه.
وطبعا توباك معاه رجالته واورلاندو معاه ناس توباك هجم على اورلاندو وطبعا رجالته مسا بهوش ونزلوا ضرب في اورلاندو ودا فيديو بظهر الخناقة تم تصويره بكاميرات الفندق والامن خلص المشكلة .
وكل واحد راح على مكان وتوباك ونايت كانوا هيطلعوا على نادى اسمه 662 ومعروف دلوقتي بنادي السبعة ، ونايت استأجر المكان دا على أساس انه بعد المبارة يروحوا على النادي ده .
وتوباك كلم خطيبته كيدادا جونز وقالها انه عمل مشكله مع ارولاندو وحكالها على كل حاجه لانه كان اصلا مواعدها انه بعد المباره هيعدى عليها وقالها استنى فى العربيه وهى فضلت مستنياه ،
توباك وشوج غيرو هدومهم وطلعو من الفندق والساعه 11 الشرطه وقفت توباك ونايت عشان كانو ماشين ومشغلين الاغنى بصوت عالى وكمان مفيش لوحة ارقام على العربيه اللى هما سايقينها . ولقيو ان النمر محطوطه فى صندوق العربيه وتم اخلاء سبيلهم ومشيو.من غير حتى ما يخدوا مخالفه .
والساعه 11.10 واثناء ما هما واقفين فى الاشارة فى تقاطع طريق فلامينجو وقفت عربيه وفيها اتنين بنات وتوباك طلع من فتحه العربيه اللى فى السقف على اساس بيعاكس او حاجه زى كدا وقالهم تعالوا على النادى اللى هو 662 وانه هيستناهم هناك
والساعه 11.15 بالظبط وقفت عربيه بيضاء كاديلاك وفيها عدد غير معروف على حسب كلام المصادر لانه فى مصادر بتقول اربع شباب وفى ناس بتقول 3 المهم نزلت القزاز العربيه وبدأوا باطلاق النار اصيب توباك باربع رصاصات اتنين فى الصدر وطلقه فى الحوض وطلقه فى الدراع اليمين .
وصديقه اتصاب اصابات خفيفه انت مركز يعنى اكتر من 13 طلقه كلهم اضربوا على توباك وصديقه يا دوب خدوش وحجات خفيفه من تكسير القزاز وشظايا الضرب ، المهم من سوء حظ توباك ان فى طلقه منهم اصابت الرئه اليمنى.
وفى لحظه ضرب النار على توباك الحارس الشخصي بتاعه كان مع خطيببه كيدادا جونز لانه قبل مايتحركوا قاله انت اركب مع كيدادا ولو حصل اى حاجه او احتاجوا عربيات تانى بعد سهرتهم فى النادى بيققى معاهم عربيات
وبعد حادث الاغتيال الحارس قاله انه العربيه دى اصلا كانت ماشيه وراهم من الاول خالص وكان شاكك فيها بس مقدرش يشوف الناس اللى كانت فيها ,
وبعد الحادثه وصلت عربيات الشرطه والاسعاف وتم نقل توباك وصديقه الى المستشفى
معلومه اضافيه
كوبي ودا الشخص اللىى بينتج فيديوهات توباك فى حد اتصل بيه قبل عمليه الاغتيال واتصل فى مقر الشركه بتعته وهدد انه هيتم قتل توباك النهارده مهما كلف الامر يعنى توباك هيموت النهارده وطبعا كوبي اتصل بالشرطه وبلغهم بس رد الشرطه ان عددهم قليل ومش هينفع تطلع دوريه ورا توباك الا اذا تم الاغتيال فعلا . انت مركز معايا
يعنى ايه واحد بحجم توباك فى الوقت دا يكون فى معلومه مؤكده انه هيتم اغتياله والشرطه متعملش اى رد فعل تجاه التهديد .
قلنا ان توباك تم نقله الى المستشفي وكان فاقد للوعى طبعا ولسوء الحظ انه فى طلقه اصابت الرئه اليمنى . وبرغم انه تم نقله الى مستشفي متطوره جدا حاول الاطباء اسعافه بس حالته كانت خطيره جدا وفى يوم الجمعه 13 سبتمبر 1996 حصل نزيف داخلى لتوباك بس الاطباء معرفوش يعملوا حاجه ،
وملاحظه امه قالت للاطباء كفايه محاولات طالما مفيش اى فايده او امل فى انه يعيش تانى ، وبكدا تكون الام هى اللى اخدت قرار وقف العلاج يعنى بمعنى اوضح قتل رحيم ،
وتم الاعلان عن وفاة توباك الساعه 4 مساء وكان السبب الرئيسي فى الموت هو قصور حاد فى التنفس ، وتوقف فى انسجه القلب بسبب الطلقه اللى اصابت الرئه .
تم حرق جثه توباك فى اليوم التالى وقالوا ان فى كميه من رماده تم خلطها مع القنب الهندى واعدائه قاموا بتدخينها . مع العلم ان توباك فى ناس بتقول انه وصى صحابه انه لما يموت ما يحرقوش جثته عشان اعدائه ميعملوش كدا وفى ناس تانى بتقول انه وصى بكدا بس قال لاصحابه انهم هما اللى يخلطو القنب ويشربوه بس الاكيد محدش عارفه .
التحقيق فى أغتيال توباك شاكور
وبعد موت شاكور ظهرت اغنيه له جديده وفيما معناها انه عارف انه هيموت ودايما كان فى معظم اغانيه كان بيلمح ان فى حد او منظمه كانت بتطارده .
واستمر التحقيق لمدة سنه وموصلوش لأى حاجه ولا حتى مشبه به ، وبعد 6 سنين نشرت صحيفة لوس انجلوس مقال بعنوان من قتل شاكور والمقال كان بيوضح مدى تباطوء وتخاذل الشرطه ف القضيه والتحقيق .
انت متخيل ان نجم الراب الاشهر فى العالم محدش عرف هوية القاتل اللى اغتاله او حتى الشرطه معرغتش توصل لمعلومات اكيده او حتى مشتبه به رئيسى .
ومع ذلك اجرت صحيفة التايمز الامريكيه تحقيق فى الجريمه حول الاحداث والادله والمشتبه بهم .
اللى اطلق النار شخص من عصابة كومبتون واسمها كريبس ودا كان بهدف الانتقام من شاكور اللى اعتدى على شخص من افرادها
اللى هو اورلاندو واللى اتكلمنا عنه ، ومع ذلك الشرطه تجاهلت ان اولاندو مشتبه به ، وعملت مقابله وحده معاه وبعدها اورلاندو اتقتل من عصابه تانى ملهاش علاقه بقتل شاكور اصلا ، يعنى هما لو اشتبهو فيه من الاول كان ممكن يفضل عايش او كانو قدرو يوصلو لمعلومات منه عن مقتل شاكور .
وممكن يكون اتقتل عشان قضية شاكور بس للاسف محدش عارف ولا فاهم ليه الشرطه تجاهلته وما اتعاملتش معاه على انه مشتبه به من الاول
وكمان اللى وفر السلاح لقتل شاكور مغنى راب تانى سئ السمعه اسمه بيج ودفع مليون دولار لعصابة كريبس وقالو المعلومه دى بناء على ان شاكور وبيج كان فى بينهم خلافات كتير قبل كل وكانو بيعملو اغانى بيشتمو فيها بعض بس بعد 6 شهور بيج دا اتقتل بردو ومحدش عرف مين اللى قتله بردو وبكدا يكون المشتبه به الاول والتانى ماتو
مكتب التحقيق الفيدرالى كشف عن تحقيق مع رابطة الدفاع اليهوديه لانهم عرضو اموال مقابل قتل شاكور وتم توجيه تهمة القتل لانهم سبق وهددو شاكور وكان فى بينهم دلائل على كدا
وكان فى شاهد واحد ف القضيه دى واسمه قذافى ولكن تم ايجاده مقتول فى حادث اطلاق نار بعد 3 ايام من عملية اغنيال توباك شاكور
وظهر عم اورلاندو من كام سنه وقال انه كان موجود ف العربيه اللى تم اطلاق النار منها على توباك وان اورلاندو هو اللى اطلق عليه بس مصرحش باكتر من كدا ، والشرطه ماينفعش تقبض عليه لانه مصاب بمرض السرطان ،وذكر كمان ان كان فى مكافئه بقيمة مليون دولار على راس توباك .
وتوباك كان عارف انه كدا كدا هيموت وعرضت ليكم اكتر من جهه كانت بتحاول تتخلص منه واللى هما اعداء له من الوسط الفنى ، رابطة الدفاع اليهوديه وبصراحه مفيش اى معلومه عنها فى التحقيق غير انهم هددوه وتم التحقيق معاهم ، منظمه الماسونيه والمتنورين واللى اتنين هدفهم واحد ويقال ان توباك كان دايما بيلبس واقى للرصاص بس فى ليلة اغتياله مكنش لابسه ودا لان الجو كان حر ف الوقت ده .
النظريات والتفسيرات اللى حاولت تفسر مقتله
1- فى نظريه بتقول انه كان بيدافع عن العرب وعن الاسلام ودا لانه رفض اداء دور رجل عصابه او زعيم عصابه مسلم وكان وجهة نظره ان دا مخالف لمبدئه ، ومن هنا تم تصفيته لانه شخص امريكى ومشهور عالميا ومؤثر اذاى يدافع عن الاسلام ولان الاسلام .
والدليل على وجهة النظر دى انه ظهر لتوباك اغنيه اسمها اقتل المتنورين .
وبداية الاغنيه بتقول :: يقولون عنى انى عنيف فقد لانى رفضت الصمت ، هؤلاء المنافقين هم سبب الازمات وهذا لانى ارفض مشروعهم واعارضهم ، والاغنيه دى بتقصد المتنوريم والماسونيه
2- النظريه التانيه وهو ان تباك له اعداء كتير فى الوسط الفنى وانه كدا كدا مكروه من السلطات ورجال القانون وعشان كدا تم تجاهل اورلاندو المشتبه به الاساسى واللى قتله شخص من الوسط الفنى
3-والنظريه الاخيره واللى هى تجمع كل اعداء توباك وقررو تصفيته ودى بتستند على كلام عم اورلاندو وانه حتى لو مريض بمرض السرطان مفروض يتحقق معاه ويوصلو لمعلومات منه .