شخصيات من مشاهير العصر الحديث والقديم عقدوا صفقة مع الشيطان ،في هذا الموضوع سنتحدث عن ما هي صفقة مع الشيطان ؟
ومن هم المشاهير الذين قيل انهم عقدوا صفقه مع الشيطان ؟
بداية أسطورة الصفقة مع الشيطان
بتبدأ أسطورة اليوم في راهب اسمه هيرمان المعزول او المتوحش، كسر العقود والمواثيق الرهبانية بخطايا غير مغفورة واتحكم عليه بأنه يصلب على الحيط ،وعشان الراهب دا ما يتحكم عليه او يصلب عرض اتفاق مع الرهبنة التابع ليها ، والاتفاق كان انه يعمل كتاب يحتوى على جميع المعارف البشرية اللي وصلولها في الوقت دا .
وكل دا في ليله وحده وبالفعل تم عزل الراهب ده في غرفه لوحده وبدء في كتابة الكتاب بس ماقدرش ينفذ الاتفاق لأنه كان عدى نص الوقت المحدد له ومكنش كتب صفحتين على بعض راح عمل تعاويذ وحضر شيطان .
وعمل صفقة معاه وكان الاتفاق على ولاء الكاهن للشيطان مقابل انه يكمل كتابة الكتاب وفعلا كمل الكتاب وقدم الراهب الكتاب للرهبنة وحصل على حريته والكتاب ده اسمه كتاب الشيطان او مخطوطة غيغاكس ونبقى نعمل عنه موضوع قريب لأنه كتاب غريب وغامض ويعتبر من اكبر الكتب اللي اتعملت في التاريخ ومليان رسومات شيطانيه ونباتات وحاجات كتير غريبه وغامضه
ما هو العقد او الصفقة مع الشيطان ؟
تنقسم الصفقة مع الشيطان الى نوعين :
النوع الاول : بيكون عباره كلام شفهي يعنى صفقة شفهي عن طريق الكلام ، الشخص بيحضر "فاوست" شيطان او يروح لساحر يحضر هوله وبعدها يتفق معاه على انه الشخص دا يبيع روحه للشيطان مقابل حجات معينه مثل الشهرة او المال او القوه والسطله او أي حاجه هو عايزاها .
النوع الثاني : بيكون من خلال عقد والعقد دا ممكن يكون مكتوب بالدم او بالحبر الأحمر او دم الحيوانات ،يقال ان الناس اللي بتعمل العقد دا مع الشيطان لازم يعملوا حجات معينه زي انهم يمارسوا طقوس معينه .
وكمان في شهر محدد ويوم محدد من الأسبوع وساعه معينه عشان يستدعوا الشيطان وكمان كل شيطان ليه وظيفه معينه ومحدده يعنى مثلا لو عايز حاجه زي انك تكون قوى وعندك سلطه لازم الساحر يحدد معاد وساعه ويوم اللي ينفع تستدعى في الشيطان ده مش في أي يوم تانى .
قصة أخرى
وفى سنه 1932 في دير للراهبات بفرنسا وفي يوم صحيت راهبه بتصرخ وتصوت ولما الراهبات اللي موجودين معاها راحوا يساعدوها ويسألوها مالك قالتهم انها شافت كابوس مرعب ومزعج لقسيس والقسيس دا أصلا مات من فتره كبيره .
الراهبات اللي معاها مصدقوش ولا اقتنعوا بكلامها وقالوا دا مجرد كابوس او حلم عادى، وبعدها بدأت تظهر في الدير حجات غريبه وكمان الراهبات بقي يشوفوا حجات مش موجوده أصلا وكائنات غريبه ، ولما الموضوع ذاد عن حده قررت رئيسه الدير انها تعمل جلسات لطرد الأرواح والشياطين.
ودى عباره عن جلسات يمارس فيها قسيس بتصريح من الفاتيكان طقوس معينه والقسيس بيقول أجزاء معينه من الكتاب المقدس على الشخص المصاب بالسحر او المس الشيطاني ويستخدم الصليب والميه المقدسة ،وفى اثناء الجلسات دي اكتشفوا ان اللي عمل كدا هو قسيس اسمه اوربان غراندييه
ودا كاهن كاثوليكيً ومعروفًا انه بيحب الجنس جدا وحاول مع راهبات كتير ، وكان دايما ناقدًا لموقف الكنيسة من العزوبية وكان متهم بالسحر من معظم صحابه ، وأنه استخدم السحر الأسود عشان يغرى الراهبات دي .
ورئيس الوزراء الفرنسي ، الكاردينال ريشيليو ، مكنش بيحب غراندييه لأنه كان ينشر انتقادات جامده له ولما حصلت الأمور دي في الكنيسة أمر ريشيليو بمحاكمته . وتم القبض على غراندييه واتعرض للتعذيب ولما فتشو بيته لقو ورقه في شكل وثيقة و كان عقد مكتوبًا باللاتينية ومغطى برموز غريبة وبطريقه عكسيه .
يعنى بدل ما يبدأ الكتابه من الشمال الى اليمين هو بدأ من اليمين للشمال وكمان مضى عليها بنفس الاسم اللى هو غراندييه والامضاء المقابلة لاسم غراندييه كانت عباره عن اسم لوسيفير وستارز ومستافيوز ودى أصلا عباره عن شياطين بس كل شيطان منهم له وظيفه محدده زي ما قلنا في الأول .
وكمان العقد كان محدد بمده هي 20 سنه وفى خلال ال20 سنه دول غراندييه يقدم الولاء و قرابين للشياطين من النساء بس لازم يكونوا بمواصفات معينه وشروط محدده ومن ضمن القرابين دول انه يكونوا نساء عازبات وعشان كدا غرندييه استغل الراهبات عشان الشروط دى متطابقه عليهم ، وقدمهم قرابين للشيطان وكمان اللي يحصل عليه غرندييه من الشيطان هو "حب المرأة ، واحترام الملوك له ، الشرف ، الشهوات والقوى" وبعد انتهاء مده ال20 سنه دول الشيطان يقتل غرندييه . واتحكم على غرندييه بالحرق وهو حي في ميدان عام .
ومن هنا بدئت تظهر وتنتشر فكرة العقد مع الشيطان واللي بتبدأ بان الشخص اللي عنده رغبه في انه يعمل عقد مع الشيطان يمارسوا أفعال معينه وكلها بتكون مخالفه للدين ، ودا لان الشيطان كل مهمته انه يغوى الانسان ويبعده عن طريق الدين والتدين
علامات إتمام الصفقة مع الشيطان
بعد ما الشخص بيعمل الحجات دي بتبدأ تظهر علامات حواليه على وجود الشيطان زي مثلا يحس ببروده في المكان او يلاقي الأبواب والشبابيك بتقفيل وتفتح لوحدها النور يشتغل ويطفئ لوحده وهكذا بعدها الشخص يفهم انه كدا الشيطان حضر .
وممكن الشيطان يظهر بنفسه او بصورة حد تانى زي قطه او كلب اسود او ممكن يبعث حد له ساحر مثلا او وسيط بين الشيطان والشخص اللى هيعمل معاه الصفقه دى . ويكون العقد دا بمده معينه وفيها بيتفق الشخص مع الشيطان على كل حاجه زى ان الشخص هيقدم قرابين للشيطان والشيطان هيقدم السلطه او المال او القوه للشخص دا .
وبعدها يتم الاتفاق وبعدها بتظهر علامه مميزه على الشخص زى مثلا وحمه او رسمه بتكون شبه الوشم كدا ودا دليل انه تابع للشيطان وبعد ما تنتهى المده دى الشيطان بياخد روح الشخص دا وبيروح للجحيم يعنى بيموت وممكن يموته هو بنفسه او يكون السبب فى موته زى مثلا فرامل العربيه تتقطع وهو ماشي بيها او حاجه تقيله تقع على الشخص دا .
مشاهير عقدوا صفقة مع الشيطان من العصر الحديث
1- ليدي جاجا :
ودى معروفه باستا يلاتها الغريبة واختياراتها في الأزياء والملابس اللي مش متوقعه ابدا وكمان معظم فيديو هاتها بيكون فيها رموز غريبه ومش مفهومه ، وان في معظم الفيديوهات في دم وحركات غريبه كدا بتعلمها ومن هنا اتهمت انها عامله عقد مع الشيطان .
2 - مغنى الراب المشهور إمينيم :
اتهم انه عمل عقد او صفقه مع الشياطين بسبب اغنيه غناها اسمها (say good bye ) ومن ضمن كلمات الأغنية دي انه هو عمل عقد مع الشيطان ولولا العقد دا مكنش وصل للي وصله .
3 - مارلين مانسن :
اتهم انه عمل صفقه مع الشيطان ودا بسبب الملابس وازياء مانسن الغريبة وطقوسه الشخصية وكمان بسبب اغانيه حصلت حالات انتحار كتير ما بين المراهقين اللي يحبوه يسمعوه واللي يحضروا حفلاته ودا خلى دول كتير بتمنع دخول مانسن ليها او يعمل حفلات فيها وكمان يعلنوا انهم مش عايزين مانسن من الأساس .
مشاهير عقدوا صفقة مع الشيطان من العصر القديم
1- روبرت جونسون :
ودا كان موسيقي أمريكي من أوائل القرن العشرين والأسطورة بتقول انه اكتسب مهاراته الموسيقية من خلال عقد صفقه مع الشيطان وفى ليله اخد الجيتار بتاعه الى طريق مختصر كدا على امل انه يستحضر قوى الظلام وبالفعل ظهر له الشيطان واخد الجيتار بتاعه وعزف عليه وبعدها رجعوه تانى ودا اللي خلاه يطلع الحان غريبه ومختلفة من نوعها .
ودا لأنه عنده مهاراه غير عاديه وكمان قالوا ان السبب في ان عينه تبقي بالشكل دا انه من كتر اتصالاته بالشيطان وممارساته وطقوسه . ودا بسبب اغنيه كانت بتقول وفى الصبح لما طرقت بابي قلت مرحبا أيها الشيطان اعتقد ان الوقت قد حان . نيكول باغنينى ودا عازف كمان وعازف جيتار وملحن إيطالي معروف ومشهور جدا واشتهر بانه معظم موسيقاه معقده وعنده حنكه موسيقية خارقه ودا بدأ في الظهور فى سن 12 سنه وانهار ورجع تانى وهو عنده 22 سنه .
وعمل موسيقي ومع انتشار موهبته في العالم طلعت الشائعات بانه قدراته دي اكتسبها نتيجة اتفاق مع الشيطان وفى ناس قالت انهم شافوا الشيطان على المسرح جمب باغنينى يساعده في حفلاته الموسيقية ، ولما مات باغنينى حرموه من الطقوس النهائية والدفن اللائق عند وفاته وفضل 36 سنه عشان يتم دفنه في مقبره بارما بإيطاليا .
2-جوزيبي تارتيني
جوزيبي تارتيني ودا كمان عازف إيطالي تانى يقال إنه عقد صفقة مع الشيطان او زي الأسطورة ما بتقول ، انه في يوم زارت شخصية مظلمة تارتيني في الحلم في عام 1713. وكان الشيطان يعرض خدماته مقابل روح الموسيقي.
وافق تارتيني على الاتفاق ده ، وبعد كدا أخد الشيطان الكمان بتاعه وعزف أجمل أغنية. ولما صحى ، أمسك تارتيني بآلاته وحاول عمل الأغنية ،وكانت النتيجة انه عمل أغنية "Devil's Trill Sonata" ، واللي لسه الموسيقى بتعته من أصعب مقطوعات موسيقى الكمان التي تمت كتابتها على الإطلاق.
المراقبون اللي شافوا تارتيني يعزف المقطوعة كانوا مقتنعين أنه لازم يكون حصل على مساعدة من عالم آخر عشان يتمكن من تأديتها على أكمل وجه. وبرغم كل دا وتارتيني مش راضيً أبدًا عن المقطوعة بتعته وحاسس انها ممكن تبقى افضل من كدا .
3-العميد جوناثان مولتون
جوناثان مولتون ، كان راجل عسكري مشهور في أمريكا الاستعمارية - وخدم في حرب الملك جورج وكمان حرب فرنسا والهند، ودا بقى وأحد من أغنى اغنياء نيو إنجلاند بعد خدمته ، ودا خلى الشائعات تنتشر عليه وقالو أنه راجل كان متعاونًا مع الشيطان.
وكمان انتشرت الشائعات بأن الجنرال مولتون عمل صفقة مالية مع الشيطان، في مقابل الإخلاص الأبدي والاحتفاظ بروحه ، وكان الشيطان يزور منزل مولتون كل شهر ويملى حذاءه بالذهب.
وبرغم غناه دا كله ، كان طماع جدا .وعمل حفرة في الأرض ، وحط فوقها حذائه وقطع حته من عند كعب حذائه على أساس انه فقير ومش لاقى يأكل يعنى وحذائه مقطع . يعنى كان مفكر انه اذكى من الشيطان بس في الحقيقة هو طلع غبى جدا لان الشيطان عرف انه بكذب قام حرق بيته بكل الأموال والذهب اللي كان فيه .
4- أنطوان روز
أنطوان روز ، ودى كانت وحده من القرن الخامس عشر واعترفت - تحت التعذيب - انها بتتقابل مع الشيطان كل يوم ودى صاحبة الصورة اللي دايما بنشوف الأفلام ،وكمان اشتهرت بانها ساحرة سافوي بفرنسا ، وقالت أنها كانت معوزة ومحتاجة المال باي شكل من الاشكال .و طلبت روز المساعدة من جارتها ، وجارتها دي بعتتها لناس اقنعوها انها تطلب المساعدة من الشيطان لانهم هما كمان شغالين معاه ويطلبوا منه المساعدة دايما .
وفعلا عرفوها الطقوس وكل الأمور اللازمة وظهر الشيطان ووافق على مساعدتها والشيطان ادالها العصاية دي وكمان علبة صغيره من المرهم.
وكان كل المطلوب منها انها تحط المرهم دا على العصاية والعصاية تطير بيها وتقول ، "اذهب ، باسم الشيطان ، انطلق!" وكمان في اعترافاتها ، وصفت روز بعض العبارات اللي قالوها الناس اللي بتعبد الشيطان اثناء أداء الشعائر ،وكمان الرقص والولائم ، وتقبيل رجلين الشيطان لما ظهر في شكل كلب أسود كبير.
وذكرت روز أن صوت الشيطان دايما واطئ وخشن ، وكانت خائفة منه جدا في اول مره قابلته فيها.
5- كريستوف هايزمان
يوهان كريستوف هايزمان كان رسامًا يقال أنه باع روحه للشيطان بعد وفاة ابوه وامه ، في مقابل التخفيف من الفقر والاكتئاب ، وافق هايزمان على أنه يكون "ابن" للشيطان لمدة 9 سنين. وبعد كدا ينتقل جسد وروح هايزمان إلى الشيطان.
وقال هايزمان أنه وقع وثيقتين تؤكدان الاتفاقية - واحدة مكتوبة بالحبر والتانيه مكتوبه بدمه، ومع اقتراب موعد تنفيذ الاتفاق يعنى انه خلاص الشيطان نفذ وعوده وقربت ال9سنين تنتهى ، و في سنة 1677 ، طلب المساعدة من قس كاثوليكي ، قام بطرد الأرواح الشريرة من عليه .وقدر انه يرجع العقد المكتوب بالدم بتاعه . وبعدها بوقت قصير ، قدر يلغى العقد المكتوب بالحبر.
كمل هايزمان الرسم بعد طرد الأرواح الشريرة ، وعمل صور كتير بتوضيح مواجهاته مع الشيطان ، وبس برغم انه قدر يرجع العقود ويلغيها كان دايما بتظهرله حاجات غريبه ومش يسيبوه في حاله لحد ما زهق وانضم للرهبنة وعاش في الكنيسة لحد ما مات .
تكذب دا او تصدقه دي حاجه ترجعك بس السؤال هل فعلا ممكن شخص يبيع روحه للشيطان ؟