علم الآثار المحرم والتاريخ الخفى للبشر ، سنة 1993 الباحث الأمريكي مايكل كريمو نشر كتاب اسمه علم الآثار المحرم والتاريخ الخفي للجنس البشري، بيقول فيه ان علماء الآثار في العصر الحديث تجاهلوا عن عمد كميات ضخمة جدا من الأثار البشرية إلي بتثبت إن الإنسان الحديث عمره ما تطور من كائن تانى وإنه موجود على الكوكب من مئات ملايين السنين.
 |
| علم الآثار المحرم والتاريخ الخفى للبشر |
لكن مايكل كريمو يرفض النظرية دي وعلى حسب كلامه فيه عدد كبير جدا من الأثار والأدلة بتأكد نظريته والمؤسسات الأكاديمية بتحاول تخفي الأثار دي ، وبتمنع علماء الأثار إنهم يتكلموا عنها أو يدرسوها .
اصل الأنسان الحديث من خلال الأدلة العلمية
وخليني أخذك في رحلة زمنية نرجع فيها الى ملايين السنين عشان نوصل أصل الإنسان الحديث بالأدلة العلمية اللي جمعها مايكل كريمو.
أول دليل : معاه هو موقع أثري اسمه " hueyatlaco " موجود في المكسيك وعمليات حفر ودراسة المكان ده تمت تحت إشراف عالمة الجيولوجيا virgina اللي اكتشفت أدوات حجرية وأسلحة وبعد تحليلها بأربع طرق علمية مختلفة اكتشفت إن تاريخها بيرجع ل250,000 سنة.
لكن المفاجأة إنه علماء الأثار والمجتمع العلمي رفضوا كلامها وقالو إنه في الوقت ده ما كانش البشر اتطور بشكل كافي يسمح لهم انهم يستخدموا الأدوات والأسلحة دي ، وقالو كمان إن تحليل فرجينيا يعارض نظرية التطور بالرغم إنها أثبتت المدة الزمنية بشكل علمي.
الدليل التاني : كانت حفرية اكتشفها عالم أثار فرنسي اسمه jacques boucher والحفرية دي كانت عبارة عن فك إنسان يشبه بالضبط فك الإنسان الحديث اكتشفها في القرن ال19 في شمال فرنسا في طبقات سفلية من الأرض يرجع تاريخها ل430 ألف سنة .
وكان معاها أسلحة وأدوات حجرية والعلماء في القرن ال19 رفضوا يقبلوا فكرة إن الإنسان كان موجود بشكله الحالي من 430 ألف سنة وشككوا في اكتشافه وفي الحفرية، لكن بعدها كرر جاك إنه يقوم بعمليات حفر تانية ويكتشف في نفس الموقع أكثر من مية قطعة لعظام وأسنان بشرية تشبه بالضبط عظام وأسنان البشر الحاليين والمفاجأة الأكبر ان فى سنة 2013 .
علماء أثار اكتشفوا آثار أقدام بشرية في منطقة هابسبورج في إنجلترا والآثار دي محفورة في تكوين أرضى عمره تقريبا 780 ألف سنة.
وبعد دراسة أبعاد الأثار دي اكتشفوا إنها متطابقة مع أقدام الإنسان الحديث خصوصا الهنود الحمر وسكان الإسكيمو ، الحقائق دي برغم إنها مثبتة علميا لكن المجتمع العلمي رفض حتى التفكير فيها بمجرد إنها مش متوافقة مع نظرتهم لتطور الإنسان واقتناعهم إن الإنسان العاقل ما كانش موجود من,780 الف سنة.
وفي أوائل القرن ال20 وبالتحديد في مدينة بوينس آيرس في الأرجنتين وعلى عمق 45 قدم تحت سطح الأرض في طبقات من الأرض ويرجع تاريخه مليون ونصف سنة علماء حفريات اكتشفوا جمجمة بشرية متطابقة مع جمجمة الإنسان الحديث وتكلم عنها عالم الأثار الأرجنتيني florentino ameghino .
فى أوراقه العلمية ده غير كمان هيكل عظمي بشري كامل متطابق ، بشكل الإنسان الحديث بنسبة 100% اكتشفوا العالم الألماني hans reck سنة 1913 في منطقة olduvai gorge في تنزانيا في طبقات من الأرض بيرجع تاريخه لنفس الحقبه الزمنية .
وفي نصف القرن 19 عالم الحفريات الأمريكي روبرت هانم كولير اكتشف حفرية لفك إنسان متطابقة مع فك الإنسان الحديث في تكوين جيولوجي اسمه red crag في إنجلترا يرجع تاريخ 3مليون سنة وفي نفس القرن اكتشف carlos ribeiro كبير الجيولوجيين في حكومة البرتغال.
مئات من القطع الأثرية البشرية في طبقات من الصخور يرجع تاريخها الجيولوجي ل20 مليون سنة يعني ببساطة وعلى حسب كلام كارلوس الإنسان كان موجود بشكله الحالي من 20 مليون سنة ولو الرقم ده خضك اسمع اللي جاي .
في أواخر القرن 19 مجموعة من العمال شغالين في منجم ذهب في ولاية كاليفورنيا في أمريكا و فجأة اكتشفوا عظام بشرية وأدوات حجرية في طبقات من الصخور الصلبة ترجع للعصر eocene اللي انتهى من 55 مليون سنة.
والعالم j.d whitney كبير الجيولوجيين في كاليفورنيا كتب ورقة علمية عن الاكتشاف ده بعد ما تأكد منه بنفسه ونشرها تحت إشراف جامعة هارفرد عشان يتأكد حسب الاكتشاف ده إن الإنسان الحديث عمره أكثر من 50 مليون سنة.
طيب يا ترى نقدر نرجع قد إيه بالزمن بأدلة زي دي نعرف فيها عمر الإنسان الحديث على كوكب الأرض سنة 1862 مجلة علمية اسمها the geologist نشرت تقرير بتقول فيه إن علماء الحفريات اكتشفوا هيكل عظمي بشري لإنسان حديث.
مدفونة على عمق 90 قدم تحت الأرض في ولاية إلينوي في أمريكا فوقه طبقات من الصخور العلماء تأكدوا إنها ما انكسرت من وقت ما تكونت والطبقة دي عمرها أكثر من 300 مليون سنة .
مجلة scintific american نشرت التقرير عن اكتشاف أثار بشرية على هيئة إناء معدني على عمق 15 قدم في صخور صلبة في مدينة بوسطن في أمريكا والصخور دي بيرجع عمره600 مليون سنة يعني على حسب الاكتشاف ده كان في إنسان عاقل زينا يستخدم أدوات صنعها بنفسه من 600 مليون سنة .
مايكل كريمو بيقول إن كل الأدلة العلمية دي بيتم طمسها وتجاهلها من المجتمع العلمي لأنها تعارض الفكرة السائدة عن أصل الإنسان اللي بتقول إنه تطور من كائنات تانية غير عاقلة من كام ألف سنة، والمشكلة على حسب كلام مايكل كريمو وإن الأدلة دي بتمر على فلتر اسمه فلتر المعرفة بتعدي منه بس الأفكار المشابهة للأفكار السائدة في العالم دلوقت .
وأي فكرة معارضة للأفكار السائدة فلتر المعرفة بيمنع الناس حتى إن هم يفكروا فيها أو يدرسوها حتى لو كانت صح أو مبنية على أساس علمي.
تفتكر أنت كمان فلتر المعرفة مأثر عليك ولا تملك الحرية في تكوين أفكارك ومعتقداتك ؟!!