في مدينة هارلم الهولندية في كنيسة اسمها Grote kerk ،ودي كنيسه بروتستانتية إصلاحية وكاتدرائية كاثوليكية بتقع في ساحة السوق .
المركزية الكاتدرائية الشهيرة دي ليها جرسين كبار كل يوم من مئات السنين الجرسين بيدقوا من الساعة 9:00 صباحا، لمدة نصف ساعة بشكل يومي كإشارة لغلق أبواب المدينة وانتصارهم في الغزو في أسطورة damiaatjes ،الأسطورة بتقول إن في أوائل القرن ال 13 كانت مدينة الأعداء مستعصية على الغزو لسبب معقد جدا وهو إن مداخل المدينة كانت مقفولة بسلسلة ضخمة جدا.
مابين الشطين بتمنع أي سفينة، إنها تدخل المدينة الفرسان الهارلمين اشتغلوا على سفينة عظيمة وسموها هارلم ،خلو المقدمة بتاعتها عبارة عن منشار ضخم على طول العرضه الأمامية للسفينة وبدأ الهجوم ،على حسب الأسطورة السفينة العظيمة دي قدرة إنها تنشر السلسلة وتفتح ممر طويل في المياه لباقي السفن، حتي تدخل وتحتل المدينة وتهزم الأعداء في أكبر انتصار على العدو.
الأمر إللي انتشر بشكل واسع في هولندا وبقى مصدر فخر لحد النهارده يتم دق الجرسين عشانه كل يوم ،المدينة اللي بيدقلها الجرسين دول كل يوم هي مدينة دمياط المصرية.
والقصة هي أسطورة متعلقة بحصار دمياط خلال الحملة الصليبية الخامسة ،1218 ميلادي خلال حكم الملك الأيوبي الكامل محمد بن العادل ، الصليبيين ما عرفوش يدخلوا المدينة فحاصروها، لمدة سنة ونصف وعرضوها لمجاعة شديدة وحاول الملك الكامل يعرض الصلح على الصليبيين لكن أورونيوس الثالث رفض.
في شهر نوفمبر سنة 1219 قدروا يقتحموا المدينة ونهبوها وقتلوا كل اللي فيها لدرجة إنهم لما طلعوا منها كانت مهجورة تماما ، شبة مدن الأشباح ،الدخول دا كان يعتبر انتصار تاريخي للصليبيين على المدينة المصرية المستعصية .
وبعد سنتين قرر الصليبيين يهاجموا المنصوره وعرض عليهم الملك الكامل الهدنه لكنهم أشطرتوا ، التخلي عن مدينة القدس وعسقلان وطبرية وجميع المدن إللي حررها صلاح الدين الأيوبي.
من أراضي الساحل بفلسطين ولبنان بما فيهم ميناء جبلة وميناء اللاذقيه في سوريا ، وتسليم قلعتين الكرك والشوبك ومبلغ 300,000 دينار، لكن العرض اترفض .
وتحصل معجزة وتتعاطف الطبيعة والأرض مع أهلها ويحصل فيضان النيل، واتعمل حاجز بينهم وبين المدينة، وأستغل الملك الكامل الفرصة وبعت جيشه من دمشق عشان يقفل عليهم طريق الرجوع وحاصرهم بأعداد كبيرة جدا ، في منطقة المنزلة .
وبسبب الحصار ده الصليبيين عرضوا الصلح و وافق الملك الكامل على الصلح و انعقد يوم تلاتين أغسطس 1221 وانسحب الصليبيين ، مهزومين من غير أي شروط وتنتهي الحملة الصليبية الخامسة والجرسين بيدقوا لحد النهارده احتفالا بالنصر على مدينة دمياط . والأسطورة يتم تخلدها في كثير من الأعمال الفنية منهم الزجاج الملون الكنيسة بلومندال .
على يد الفنان بيتر هولشتاين ،الأول ولوحة السلسلة للفنان فان ويرينجن ، اللي موجودة في متحف فرانس هالس، بس يا سيد وذي قصة الجرسين اللى بيدوقو فى هولندا لحد دلوقت بسبب المدينة المصرية .