قصة رعب حقيقة حدثت بالفعل في منزل عائلة وايرك في غابات جورجيا ، بتبدأ القصة لما عائله وايرك ينتقلوا لبيت جديد الاب اسمه اندي والام اسمها ليسا ، وهما ناس بطبعهم يحبوا الهدوء والاستقرار واكثر حاجه شدتهم للبيت الجديد انه في منطقه هادئة وما فيش بيوت كثير حواليه بالعكس كل اللي حواليه حدائق.
هايدي وأهلها حبوا البيت ده جدا وهايدي كمان اندمجت في المكان وكانت دائما تحب تلعب في حديقة البيت ،لحد ما جه اليوم اللي قلب حياتهم لجحيم.
هايدي كالعادة تلعب في حديقة المنزل وفجاه ،جاء لها واحد كبير في السن ولابس بدله وشكله انيق سلم عليها وعرفها بنفسه وقال لها ان اسمه جيمس جوردى، وسألها عن اسمها ردت عليه بكل براءة ان اسمها هايدي.
سلم عليها وابتسم ابتسامه خفيفة وقال لها طيب تعالي نلعب مع بعض، سكتت هايدي شويه وبعدها قالت له انا هستاذن امي الأول وبالفعل راحت هايدي لامها ليسا وقالت لها، أمها بعد ما سمعت كلام هايدي استغربت جدا وقالت مين ده أصلا مفيش حد ساكن جنبنا ولا في بيوت ولا عائلات حوالينا.
وازاي دخل الحديقة الخاصة بالمنزل أصلا، وعلى طول الام قالت للاب وقالت له خذ معك مسدس احتياطي ممكن يكون حرامي، وبالفعل خرج الاب اندي وبص في الحديقة بس ما فيش أي احد موجود في الحديقة ودور كمان حوالين البيت برده مفيش حد .
ورجع ودخل البيت وحذر هايدي انها تتكلم مع أي احد غريب، وقال لها لو شفت أي احد ادخلي البيت بسرعه وتجي تقولي لامك او ليا . وثاني يوم عدى نفس الشخص وسلم على هايدي بس المرة دي هي جريت على البيت وقالت لامها والام خرجت ما ليقتش أي احد، عدى اليوم وفي اليوم الثالث اتكرر نفس الموقف وكل مره الام تطلع تجري وما تلاقي احد.
وفي اليوم الثالث الام شكت ان في حاجه مش طبيعية واكيد هايدي مش بتكذب دي طفله وليه تقول كده لو ده ما حصل وليه الراجل ده يختفي وبعدين ده راجل كبير في السن معقول يطلع يجري يعني المسافة دي كلها مره واحده من غير ما احد يشوفه.
المهم اليوم الرابع قررت الام انها تراقب البنت من اول ما تطلع تلعب في الحديقة وفعلا شافت البنت بتكلم احد وبتقول له مستر جون بس هايدي ما فيش احد كان واقف قدامها أصلا ، الام استغربت وقالت انه ممكن يكون هايدي عملت صديق في خيالها لأنها على طول بتكون قاعده بتلعب لوحدها يعني الحاجه دي طبيعية مع الأطفال اللي في السن ده.
وهى عندها اربع سنين ودا طبيعي وبعدها فضلت هايدي تحكي لامها عنه وتشكر فيه وتقول لها انه دائما لما بتركب المرجوحة بزقها وفضلت الام تسمع هايدي وهي بتكلم معه بس المرة دي بقى مش في الحديقة لا دا في الأوضة بتاعتها.
وفي يوم سمعت هايدي احد يخبط على باب البيت وكانت قاعده مع أمها وابوها ، جريت هايدي عشان تفتح باب البيت وفجاه شافت شاب يده مقطوعه، وهنا صرخة هايدي بصوت عالي وجريت على أمها وابوها قامت الام حضنت هايدي والأب جري على الباب ملقاش حد بس قام قفل الباب وقفل شبابيك البيت وقام بلغ الشرطة.
وجاءت الشرطة بس ما ليقتش أي حاجه وعدى الموقف ده وهايدي ما خرجت تلعب في الحديقة ثاني وبدا الاهل يحسوا بحاجات غريبه بتحصل، عدى الموقف ده بس طبعا ساب اثر جواهم وبعدها بيومين خرجت هايدي تلعب في الحديقة وجاء لها نفس الشاب وقال لها انه اسمه كون وسألها عن اسمها قامت جريت على أمها وقالت لها بس الام كانت تراقب هايدي من الشباك وما شافت أي حد معها.
راحت هايدي قالت لامها بس أمها زعقت لها وقالت لها انا بمراقبك قاعده لوحدك من بدري وما حد أتكلم معاكي وما تعملي كده ثاني لان ده تصرف خاطئ، هايدي عيطت وقالت لامها لو مش مصدقاني اسالي مستر جوردى هو شافه معي.
الام اخذت هايدي وقعدت على الكنبة وقالت لها اوصفي لي مستر جوردى ده وقعدت هايدي توصف لامها شكل مستر جوردى بالتفصيل وقالت لها شعره رمادي بلبس بدله سوداء وكرافت وشوز اسود لامع ، وهايدي كانت كل ما بتطلع بره في الحديقة كانت تأخذ عصير واكل لمستر جوردى وطبعا الاكل اللي كانت تأخذه مش بتأكل.
وبعدها بفتره قصيره جاءت امراه عجوزه لمنزل العائلة وليسا استقبلتها ،والمرآه دي أصلا كانت تملك البيت قبل ليسا واندي، و كانت ذاهبة الى ليسا عشان تخلص بقى أوراق البيت ،وهنا ليساه شافت توقيع في احد الأوراق باسم جيمس جوردى وهنا ليسا سالت كايلي ، بصوت واطي وكانت خائفة وقالت لها مين ده ؟
ردت عليها كايلي وقلت لها دا مستر جوردى مالك البيت القديم وكان عنده شركه عقارات وكان مشرف على عده مدارس وكان شخص طيب ،ليسا قالت لها ممكن توصفي لي شكله ؟!
كايلي قالت لها وليه اوصف لك شكله !! انا معي صوره له، طلعت كايلي صوره مستر جوردى واللي شافته ليسا، راجل كبير في السن وشعره رمادي ولابس بدله سوداء وكرافت، يعني نفس المواصفات اللي هايدي وصفتها لها قبل كدا .
وهنا ليسا توترت جامد وقالت انا مش عارفه ليه مستر جوردى ده دائما يزور بنتي ولما اطلع مش بالاقيه !! وهايدي كثير بتشوفه وتلعب معه !!
وهنا ردت عليها كايلي وقالت لها مستحيل !! مستر جوردى توفى سنه 1974 وليسا قالت لأندي وراحوا لقبر جوردى في نفس اليوم عشان يتأكدوا انه مات فعلا ولما وصلوا القبر هايدي وقفت على قبر وقالت ده مستر جوردى ، والغريب ان القبر اللي وقفت عنده هايدي هو قبر مستر جيمس جوردى فعلا !! هايدي عندها اربع سنين يعني لسه ما تعرف تقرا انت مركز معي يا صديقي؟!
ومن هنا الاب والام بصوا لبعض في عينيهم أسئلة كثير ازاي هايدي بتشوفه وتلعب معه كل يوم وهو ميت ؟! و رجعوا البيت وفكرة انهم يطلعوا من البيت ده في دماغهم عشان الحاجات اللي بتحصل فيه مش طبيعية.
خصوصا لما اكتشفوا ان فعلا في شخص اسمه جيمس جوردى لانهم كانوا مفكرين اللي هايدي تحكي عنه ده مجرد صديق في خيال البنت، وهنا الام كمان افتكرت موضوع كون الشاب اللي تكلمت عنه هايدي ، وثاني يوم الام والأب خرجوا يسالوا على كون وقالوا انه طالما مستر جوردى ده طلع حقيقي اكيد كون حقيقي.
وبرده طالما مستر جوردى ده ميت نتأكد هل كون ده ميت كمان ولا لا وبعد فتره من البحث وصلوا ان كان في شاب يسكن في نفس المنطقة، وفقد الدراع في حادث في مصنع القطن لما كان عنده 20 سنه ومات سنه 1957 يعني كمان كون ده ميت.
تخيل معي كده انك قاعد في بيت ومعك طفل بشوف الأموات ويكلمهم ما بالك انت حاليا بتخيل الفكرة دي، امال اللي عاشها هيكون عامل ازاي ،المهم هم اكتشفوا ان اسمه لون مش كون زي هايدي كانت بتقول.
وهنا قرروا الام والأب انهم يأخذوا مجموعه صور لشباب كثير من ضمنهم لون او كون وطلبوا من هايدي انها تطلع صوره كون، المرعب في الموضوع انها طلعت صورته من بين كل الصور اللي عرضوها عليها، وبدون أي تردد من هايدي شاورت على طول على صورة كون وقالت هو ده .
ومن هنا أجواء البيت بدأت تتغير وقرر اندي وليسا انهم يطلعوا من البيت ، بس للأسف ظروفهم المادية مكنتش تسمح بدا لانهم كانوا لسه مشتريين البيت وكل الفلوس اللي معاهم خلصت فقرروا انهم يشتروا كلب وقالوا ان ممكن يغير شويه من حالتهم النفسية لحد ما يأخذوا قرار.
بعد يومين من شراء الكلب، الكلب دخل المطبخ وقعد ينبح بصوت عالي وبشكل هستيري حاول اندي يعرف ايه المشكلة ويهدي الكلب بس الكلب ما هدي و ما فيش أي حاجه غريبه غير ان الكلب بصص في اتجاه معين وعمال ينبح بصوت عالي وبعدها الكلب طلع يجري من البيت وهرب وما رجع البيت ثاني.
وفضلت الاحداث الغريبة تحصل للعائلة خصوصا ان البنت هايدي تطور معها الامر وبقيت تشوف كائنات غريبه وخيالات ،المهم مرت الأيام وحملت ليسا في طفل كمان ومن هنا بدأت الأمور تسوء اكثر واكثر ،بدئت الام تشوف ظلال وخيالات في البيت وتسمع حركات وضحكات واصوات غريبه ومرعبه ، ده طبعا غير الحاجات اللي كانت بتحرك من نفسها بشكل عشوائي ومن غير مبرر.
وفي ليله قامت هايدي من النوم وشها في خدوش ، الام ظنت انها جرحت نفسها بالغلط وهي نائمه راحت قصة اظافرها وما حطت الموضوع في دماغها، يعني عشان نكون واقعيين اكثر هي مش عايز تفكر في الموضوع لان حصلت معهم حاجات كثير غريبه بس بعدها .
واللي فعلا يخوف اكثر ان اندى لما قام من النوم في ليله وكان في خدوش في بطنه لمده اربع أيام كان اندي يقوم من النوم يلاقي في جسمه جروح، كل يوم في مكان مختلف والغريب انها بتحصل بدون سبب والملابس بتاعته كانت سليمه بس جسمه هو اللي في جروح، العيلة ما قدرت تتحمل الحوادث اكثر من كدا وقرروا انهم يتواصلوا مع بعض الروحانيين عشان يشوفوا حل الموضوع ده.
هم مش يأمنوا بالجن والاشباح بس يؤمنوا بالأرواح، اول شخص زار البيت كان اسمه ويليام، قعد ويليام مع هايدي وحكى معها وقالت له انها لما بتكون لوحدها بتشوف الظلال السوداء ،بتحس بالبرد وقشعريرة في الجسم وتنميل في اطراف الأصابع قرر ويليام انه يحط الاجهزه اللي بتكشف درجه الحراره وقال لو درجه الحراره انخفضت فجاه وده معناه ان البيت مسكون.
وبالليل الأجهزة دي بدأت تتحرك وبدأت هايدي تشوف الظلال والخيالات دي ،وبحسب وصفه هايدي الظلال والتخيلات اللي بتشوفها ما كانت لها ملامح ، لما ويليام راح لهم ثاني قال لهم ان البيت ده مسكون بالأشباح قال لهم ان في اشباح طيبه زي مستر جوردى، بس كمان في اشباح ثانيه مؤذيه زي شبح لون بس الغريب قال لهم ان سواء استمريت في البيت او مشيت منه ده مش هيفيد في حاجه المشكلة تفضل ملزماكم ومعكم.
وقالوا له ايه الحل قال لهم هعدي عليكم ثاني ،وللأسف ويليام ما رجع البيت ثاني ولا حتى اتواصل معهم ،وبعدها بفتره ليسا ولدت طفلها سميتها جوردن وهايدي لاحظه ان مستر جوردى بطل يظهر كثير، بس الخيالات والحاجات اللي بتشوفها هي اللي زادت وكمان بدا يظهر لها شبح طفله صغيره بس حسب كلامها كان شبح مسالم.
واستمرت العائلة في معاناتها واستمرت جوردن دي تكبر وفضلوا يسمعوها تتكلم وتضحك مع اشخاص مش موجودين يعني نفس اللي كان بتحصل مع هايدي فضل يحصل مع جوردن، قصه العائلة دي انتشرت في الاعلام ، وفي بعض الصحفيين راح للبيت عشان يشوف ايه الموضوع وأول ما وصل البيت شاف كائن او حاجه مرعبه وبتمشي قدامه وبعدها قرر انه يخرج من البيت وحتى ما يتكلم عنه.
ومن ضمن الأشخاص اللي زاروا البيت هي ايمي ،وايمي دي عالمه في الفيزياء وكانت تتواصل مع الأرواح في طفولتها، وقالت انها لما زارت بيت عائله هايدي شافت ٣ اشخاص رجلين وطفله ،وكانوا كلهم عباره عن ظل اسود وملامحهم مش واضحه .
وكانت كيانات سلبيه وغامضه ومش مريحه يعني تحس بتوتر وقلق كده بمجرد ما تشوفهم ،وتقول انها تعتقد ان غابات جورجيا يعني المنطقة اللي هم ساكنين فيها مات فيها اكثر من 2,000 شخص في حوادث مجهولة ،ودائما تسمع صراخ، و الصراخ ده كان مستمر سنوات وما فيش أي احد او مصدر للصوت ده.
وايمي بتفسرة الموضوع ده بان الأرواح المؤذية كانت لقتله او خاطفين ماتوا في نفس المنطقة وبما انهم كانوا في حياتهم مؤذيين والروح بتاعتهم بتكون مؤذيه برده وفي النهاية ، نصحتهم ايمي انهم يكونوا أقوياء وما يستسلموا للأرواح دي.
لان الأرواح دي تتغذى على الخوف وده اللي حصل مع العائلة في البداية كانت مجرد خيالات لما بدأوا يكتشفوا ان مستر جوردى ده شخص ميت ولون كمان شخص ميت والبنت بتكلمهم ،هنا بدا الخوف يزيد عندهم ولما الخوف زاد عندهم بدأت الاحداث الغريبة والمخيفة تحصل اكثر وهنا ايمي قالت نفس الكلام اللي قاله ويليام.
والعائلة اخذوا الموضوع تحدي وفضلوا مكملين في البيت عشان ما يحسو انهم خسروا قدام كائنات واحداث غريبه ويقولوا ان الأمور تتحسن يعني يعلو من روحهم المعنوية شويه ،وبعدها وبالفعل الاحداث والاشياء الغريبة بدأت تقل اكثر.
بس فضلت مستمرة وفي النهاية الاب والام ماتوا سنه 2012 وتزوجت هايدي وعاشت في بيت بعيد عن المنطقة ولكنها ما زالت تواجه نفس الكائنات الغريبة وده كان لغز بيت ويرك الغامض الا لحد النهار ده ما اتحل واضطر العائلة انهم يعيشوا مع الاشباح دي ومن كثر ما القصة انتشرت تم انتاج فيلم عنها سنه 2013 .